Aaditya Rhackeray 81

आदित्य ठाकरे ‘या’ मतदारसंघातून विधानसभेच्या मैदानात?

by

मुंबई : युवासेना प्रमुख आदित्य ठाकरे हे विधानसभा निवडणूक लढणार यावर शिक्कामोर्तब झालं आहे. इतकंच नाही तर त्यांचा मतदारसंघही ठरला आहे. आदित्य ठाकरे हे वरळी विधानसभा मतदारसंघातून लढणार आहेत.

गेल्या काही महिन्यांपासून महाराष्ट्र पिंजून काढणारे आदित्य ठाकरे पहिल्यांदाच निवडणूक लढतील. लोकांमधून निवडणूक लढवणारे ते ठाकरे घराण्यातील पहिलेच सदस्य ठरतील.

वरळी विधानसभा मतदारसंघात आदित्य ठाकरे हेच उमेदवार असतील अशी चर्चा सध्या सुरु आहे. शिवसेनेत दाखल झालेले सचिन अहिर यांनी कार्यकर्ता मेळावा घेत शक्ती प्रदर्शन करत आदित्य ठाकरे यांना आता तरी वरळी विधानसभेचा पेपर फोडा, असं आवाहन केलं.

युतीचे चित्र स्पष्ट न झाल्याने सध्या पेपर तपासणी सुरु आहे. नंतरच खरे पेपर फुटतील, असं आदित्य ठाकरे यांनी सांगितलं होतं.

दरम्यान, ठाकरे कुटुंबाची तिसरी पिढी निवडणुकांच्या मैदानात उतरणार असल्याचं जवळपास निश्चित मानलं जात आहे. 

महत्वाच्या बातम्या-