मुंबई | मंत्री नवाब मलिक यांनी समीर वानखेडेवर काही दिवसांपुर्वी गंभीर आरोप लावलेत. मुंबई ड्रग्ज केसमध्ये भ्रष्टाचार तसच जातीच्या प्रमाणपत्रात फ्रॉड करुन नोकरी मिळवल्याचा आरोप आहे. या आरोपांच्याविरोधात वानखेडेंचे वडील ज्ञानदेव वानखेडेंनी सव्वा कोटी रुपयांचा मानहाणीचा खटला दाखल केलाय.
ज्ञानदेव वानखेडे यांच्या कुटुंबाच्याविरोधात टिकाटिप्पणी करायला बंदी घाला, अशी मागणीही समीर वानखेडेंचे वडिल ज्ञानदेव वानखेडे यांनी न्यायालयाकडे केली होती. मात्र न्यायालयाने ती मान्य केली नाही. आता न्यायालयाने वानखेडे कुटुंबाला खडसावलं आहे.
समीर वानखेडे हे एक सरकारी अधिकारी आहेत आणि त्यांच्या कामाची सार्वजनिक समिक्षा होऊ शकते, अशा स्पष्ट शब्दात न्यायालयानं खडसावलंय. याच प्रकरणात नवाब मलिक यांचे वकिल 12 नोव्हेंबरला प्रतिज्ञापत्र दाखल करतील, असंही त्यांनी म्हटलं आहे.
वानखेडेचें वकिल अरशद शेख यांनी असा सवाल केला की, समीर वानखेडेंनी अशा एका व्यक्तीला का उत्तर द्यावं जो फक्त एक आमदार आहे, कुठलंही कोर्ट नाही. त्यावर न्यायमूर्ती माधव जामदार यांनी असं म्हटलं की, तुम्ही एक सरकारी अधिकारी आहात आणि तुम्हाला फक्त एवढंच सिद्ध करायचंय की नवाब मलिकांनी केलेले ट्विट प्रथमदर्शनी चुकीचे आहेत.
समीर वानखेडे हा फक्त तुमचा मुलगा नाही, तो एक सरकारी अधिकारीही आहे आणि त्यामुळे सामान्य जनतेतला कुठलाही व्यक्ती त्याच्या कामाची समिक्षा करु शकतो. त्यानंतर मात्र वानखेडेंच्या वकिलांनी अतिरिक्त प्रतिज्ञापत्र सादर करण्यासाठी वेळ मागितल्याची माहिती आहे.
समीर वानखेडेंच्या माहितीचे कागदपत्रं ट्विट करण्यापूर्वी त्यांची सत्यता पडताळली होती का?, असा सवाल उच्च न्यायालयानं केला आहे. कोर्टानं केलाय. त्याबद्दल प्रतिज्ञापत्रही सादर करण्याचे आदेश न्यायमूर्तींनी दिलेत.
कुठलीही कागदपत्र जमा करण्यापूर्वी त्यांची सत्यता तपासणं तुमची जबाबदारी नाही? एक जबाबदार नागरीक आणि एका राष्ट्रीय पक्षाच्या प्रवक्त्याच्या नात्यानं वादाच्या केंद्रस्थानी असलेल्या कागदपत्रांची पडताळणी केलीय?, असं न्यायालयाने म्हटलंय.
महत्त्वाच्या बातम्या-
“भाजपनं मशीन तयार केलीये, त्यात सगळे स्वच्छ होतात”
“अडवाणी जिथे जिथे गेले तिथे त्यांनी द्वेषाची बीजे पेरली”
मुख्यमंत्र्यांकडून नवाब मलिकांचं कौतुक, म्हणाले…’गुड गोईंग’
‘पद्म पुरस्कारासाठी मी लायक नाही’; आनंद महिंद्रा यांचं वक्तव्य चर्चेत
