मुंबई | आज एक धक्कादायक बातमी समोर आली आहे. बिग बॉस फेम अभिनेता सिद्धार्थ शुक्ला याचे निधन झाले आहे. ही बातमी ऐकून अनेकांना मोठा धक्का बसला आहे.
सिद्धार्थ 40 वर्षाचा असून हृदयविकारामुळे त्याला आपला अखेरचा श्वास घ्यावा लागला. सिद्धार्थ शुक्लाने काल म्हणजेच 1 सप्टेंबरच्या रात्री काही औषधं घेतली होती. त्यानंतर तो आपल्या बेडमध्ये झोपला. परंतू सकाळी तो उठला नाही. हे लक्षात येताच त्याला मुंबईच्या कपूर रूग्णालयात दाखल करण्यात आले.
डॉक्टरांनी सिद्धार्थला चेक केल्यानंतर सिद्धार्थचा मृत्यू हृदयविकाराचा झटका आल्यानं झाला असल्याचं सांगितलं. सिद्धार्थने 2004 साली आपल्या मॉडेलिंग करिअरला सुरूवात केली. त्याला मॉडेलिंग आणि अभिनयामध्ये फारशी आवड नव्हती. परंतू त्याच्या लूकमुळे केवळ आईच्या सांगण्यावरून त्यानं एका मॉडेलिंग स्पर्धेत भाग घेतला. तिथून त्याच्या करिअरला सुरूवात झाली.
डिसेंबर 2005मध्ये तुर्कीमध्ये मॉडेलिंगची स्पर्धा झाली होती. त्यामध्ये आशिया लॅटिन, अमेरिका, यूरोपमधील एकूण 40 जणांनी सहभाग घेतला होता. या 40 जणांना मागे टाकत सिद्धार्थने जगातील सर्वोत्कृष्ट मॉडेलंच विजेते पद पटकावलं होतं.
त्यानंतर एका क्रिमच्या जाहिरातीमध्ये काम केलं. ‘बाबुल का अंगन छूटे ना’ ह्या टीव्ही शोमध्ये सिद्धार्थने मुख्य भूमिका साकारली होती. ही भूमिका साकराल्यानंतर त्याला फारशी प्रसिद्धी मिळाली नव्हती. मात्र ‘बालिका वधू’ या कलर्स वरील सिरिअलमध्ये त्यानं ‘शिव’ ही भूमिका साकारली. त्यानंतर त्याला खूप लोकप्रियता मिळाली.
त्याचबरोबर सिद्धार्थ ‘बिग बॉस’ सिझन 13 आणि ‘खतरो के खिलाडी’ सिझन 7 चा विजेता आहे. तसेच 2014 मध्ये सिद्धार्थने ‘हम्प्टी शर्मा की दुल्हनिया’ या हिंदी चित्रपटामध्येही सहायक अभिनेत्याची भूमिका साकारली होती. त्याचबरोबर सिद्धार्थने ‘ब्रोकन बट ब्युटीफूल’ या हिंदी वेब सिरीजमध्ये मुख्य भूमिका साकारली होती.
महत्वाच्या बातम्या-
स्वत:च्याच लग्नात नवरीने केला भन्नाट डान्स, पाहा व्हायरल व्हिडीओ
‘धूम मचाले’ म्हणत तरूण आपल्या गाडीसह थेट शिरला घरात, पाहा मजेशीर व्हिडीओ
काय सांगता! चक्क हवेत उडतोय पिझ्झा, विश्वास नसेल बसत तर पाहा व्हायरल व्हिडीओ
ड्रोनवर हल्ला करण्यासाठी पाण्याबाहेर आली मगर अन्…, पाहा व्हि़डीओ
बॉडी बिल्डरसारखी बॉडी बनवणं तरूणाला पडलं महागात, पाहा व्हायरल व्हिडीओ
