नवी दिल्ली | अलिकडच्या काही वर्षांमध्ये सोन्याची मागणी प्रचंड वाढली आहे. यामुळे सोन्याचे भाव देखील गगनाला भिडले आहेत. सोनं खरेदी करणं हे सामान्य नागरिकांच्या आवाक्याबाहेरचं झालं आहे. एक उत्तम गुंतवणूक म्हणून लोक सोन्याला प्राधान्य देत आहेत.
आज सोन्याच्या भावात 10 रुपयांची घसरण झालेली पाहयला मिळत आहे. त्यामुळे आज सोन्याचा भाव प्रति ग्रॅम 44 हजार 910 रुपये इतका झाला आहे. कालही सोन्याच्या भावात 10 रुपयांची घसरण झाली असल्यामुळे काल सोन्याचा भाव प्रति ग्रॅम 44 हाजार 920 रुपये होता.
त्याचप्रमाणे चांदीच्या भावात आज तब्बल 900 रुपयांची घसरण झाली आहे. त्यामुळे आज प्रति किलो चांदीचा भाव 66 हजार 600 रुपये आहे. काल प्रति किलो चांदीचा भाव 67 हजार 500 रुपये होता.
मागील आठवड्यात सोन्याच्या दरात मोठी घसरण पहायला मिळाली होती. तसेच येत्या काही दिवसांत सोन्या चांदीच्या किंमती आणखी खाली येऊ शकतात. देशांतर्गत सराफा बाजारात सोन्याची किंमत 42 हजार प्रति दहा ग्रॅम रुपयांपर्यंत घसरू शकते, असे अनेक अर्थतज्ञ बोलत आहेत.
अर्थमंत्री निर्मला सीतारमण यांनी 2021-22 या आर्थिक वर्षाचा अर्थसंकल्प सादर करताना सोने आणि चांदीवरील सीमा शुल्क 7.5 टक्क्यांवर आणण्याचा प्रस्ताव दिला. सध्या ते 12.5 टक्के आहे. अर्थमंत्र्यांनी हा निर्णय घोषित करताच सोन्याच्या दरात मोठी घट पहायला मिळाली होती.
अर्थमंत्री निर्मला सीतारमण यांनी अर्थसंकल्प सादर केल्यापासून सोन्या चांदीच्या दरात सतत चढउतार पहायला मिळत आहे. अलिकडे आंतराष्ट्रीय स्तरावर अमेरिकन डॉलरच्या तुलनेेत रुपयांचा भाव कमी होताना दिसत आहे.
तसेच कोरोनावरील लसींच्या बातम्यांमुळे सोन्या चांदीच्या दरावर देखील परिणाम होण्याची शक्यता वर्तवली जात आहे. गुंतवणूकदार देखील सोन्याकडून शेअर बाजाराकडे वळत आहेत. यामुळे सोन्याचे भाव मोठ्या प्रमाणात घसरत आहेत.
महत्वाच्या बातम्या-
जुलियो रिबेरोंनी शरद पवारांचा ‘हा’ प्रस्ताव…
सेकंड हँड कार घेताय? मग ‘या’ गोष्टींची घ्या…
गृहमंञी अनिल देशमुखांच्या राजीनाम्याबद्दल शरद पवारांचा मोठा…
