पुणे | कोरोनाचा हॉटस्पॉट म्हणून भवानीपेठ क्षेत्रीय कार्यालयाकडे आजपर्यंत पाहिले जात होते. परंतू गेल्या महिन्याभरात ही ओळख पुसण्यास कार्यालयाला यश आलं आहे. एकेकाळी क्रमांक एकवर असलेल्या या कार्यालयाने घरटी सर्व्हेक्षण… सर्दी ताप खोकला असेल तर तातडीने उपचार अशा उपाययोजना राबवल्या.
त्यामुळे नव्याने नोंद होणाऱ्या संख्येत भवानी पेठ आता चांगलीच मागी पडली आहे. भवानी पेठ आता दहाव्या क्रमांकावर घसरली आहे. सध्या उपचार घेणाऱ्यांची संख्या 121 आहे. पुणे महापालिकेचे महापौर मुरलीधर मोहोळ आणि प्रशासनाचं उत्तम काम याला कारणीभूत ठरलं आहे.
पुण्यात कोरोनाचा पहिला रूग्ण 9 मार्च रोजी आढळला त्यास तीन दिवसांनी तीन महिने होत आहेत. या तीन महिन्यात पुण्यातील कोरोना बाधितांची संख्या साडे सात हजाराहून अधिक झाली आहे.क्षेत्रिय कार्यालयनिहाय रूग्णांची संख्या दररोज प्रसिद्ध केली जात आहे.
दरम्यान, सध्या ढोले पाटील क्षेत्रीय कार्यालयाच्या परिसरात सर्वाधिक रूग्णसंख्या आहे. उपचार घेणाऱ्यांची संख्या देखील तिथे मोठी आहे.
महत्वाच्या बातम्या-
-दाऊदचा कोरोनाने मृत्यू झालाय का?; गृहमंत्री अनिल देशमुख म्हणाले…
-…तर परवडणाऱ्या दरात आणि अखंडित वीजपुरवठा होईल- उद्धव ठाकरे
-आईचा चिमुकलीला दम; उद्धव ठाकरे म्हणाले, शिवसैनिकांना का त्रास देताय?
-उद्धव ठाकरेंचा लोकप्रिय मुख्यमंत्र्यांच्या यादीत समावेश… फडणवीसांची खोचक प्रतिक्रिया
-लॉकडाऊन काळात भुजबळांचं खातं ‘अ‌ॅक्टीव्ह’, अन्न नागरी पुरवठा विभागाचा अन्नधान्य वाटपात विक्रम
