इस्लामाबाद | पाकिस्तानचे पंतप्रधान इम्रान खान यांची माघार जवळपास निश्चित मानली जात आहे. आज काही वेळातच विरोधकांनी त्यांच्याविरोधात आणलेल्या अविश्वास प्रस्तावावर राष्ट्रीय विधानसभेत मतदान होणार आहे.
जर इम्रान यांनी आधी राजीनामा दिला नाही आणि मतदान झाले, तर त्यांना पंतप्रधानपदी राहण्यासाठी 342 सदस्यांच्या सभागृहात 172 मतांचे बहुमत लागेल. यापेक्षा कमी मते मिळाल्यास त्यांना पंतप्रधानपदाची खुर्ची सोडावी लागेल.
इम्रान सरकारला पाठिंबा देणाऱ्या पक्षांनी आणि खासदारांनी ज्या प्रकारे वृत्ती बदलल्याचं दाखवलं आहे, ते इम्रान यांच्यसाठी चांगलं लक्षण नाही. इम्रान यांची खुर्ची गेली तर पाकिस्तानला नवा पंतप्रधान निवडावा लागेल.
नॅशनल असेंब्लीमध्ये पाकिस्तानचे नवे वझीर-ए-आझम निवडण्याची प्रक्रिया काय आहे हे स्पष्ट करूया. पाकिस्तानच्या मीडिया पोर्टल जिओ टीव्हीने याबाबत सविस्तर माहिती दिली आहे.
नॅशनल असेंब्लीच्या नियमांनुसार आणि कार्यपद्धतीनुसार, पाकिस्तानच्या पंतप्रधानांची जागा रिक्त झाल्यास, सभागृह कोणत्याही चर्चेशिवाय किंवा इतर कामकाजाशिवाय पुढील मुस्लिम वजीर-ए-आझमची निवड करेल. सभागृहातील कोणताही सदस्य पुढील पंतप्रधानांच्या नावाचा प्रस्ताव देऊ शकतो. पण एकच नाव दोनदा किंवा त्याहून अधिक वेळा सादर केलं जाणार नाही. एका व्यक्तीसाठी फक्त एकच नामांकन केलं जाऊ शकतं.
नाव निश्चित झाल्यानंतर ते सचिवांकडे पाठवलं जाईल. पंतप्रधान निवडण्यासाठी मतदानाच्या एक दिवस आधी हे काम करावं लागणार आहे. सभागृहाचे अध्यक्ष नामनिर्देशनपत्रांची छाननी करतील. यादरम्यान उमेदवार स्वत: किंवा त्याचा प्रतिनिधी तेथे उपस्थित राहू शकतो. उमेदवार इच्छित असल्यास त्याचं नाव मागे घेऊ शकतो. मतदान करण्यापूर्वी तो कधीही हे काम करू शकतो.
चौकशीनंतर कोणतंही नाव स्वीकारण्याचा किंवा नाकारण्याचा अधिकार राष्ट्रीय सभेच्या अध्यक्षांना असेल. स्पीकर 3 कारणांसाठी कोणाचेही नामांकन नाकारू शकतात. प्रथम, उमेदवार सभागृहाचा सदस्य नसल्यास. दुसरे, जर नियम 32 चं पालन केलं नाही. आणि तिसरे, उमेदवाराची किंवा त्याच्या प्रस्तावकाची स्वाक्षरी खरी नसल्यास. यासंदर्भात सभापतींचा निर्णय अंतिम मानला जाईल, असं विधानसभेचे नियम सांगतात.
महत्त्वाच्या बातम्या-
सर्वसामान्यांना पुन्हा एकदा मोठा झटका; मसाल्यांसह ‘या’ वस्तू महागल्या
UPA च्या अध्यक्षपदाबाबत शरद पवारांचं मोठं वक्तव्य, म्हणाले…
‘…तर मी राजकारण सोडेन’; जितेंद्र आव्हाडांचं राज ठाकरेंना ओपन चॅलेंज
“शरद पवारांवर टीका केल्या शिवाय यांना हेडलाईन मिळत नाही”
