Manoj Jarange Patil | राज्यात सध्या मराठा आंदोलक मनोज जरांगे पाटील यांच्या चित्रपटाची जोरदार चर्चा सुरु आहे. गेल्या अनेक दिवसांपासून जरांगे पाटील आंदोलन, राज्यभर दौरे आणि सभा यामुळे त्यांना लाखो मराठा बांधवांनी पाठिंबा दिला. दरम्यान, त्यांनी केलेल्या संघर्षाची चर्चा सुरु असतानाच त्यांच्यावरील चित्रपट देखील लवकरच प्रेक्षकांच्या भेटीला येणार आहे. मराठा समाजाला आरक्षण मिळावं यासाठी जरांगेंनी कोणताच विचार न करत आमरण उपोषण करत मराठा समाजासाठी लढा दिला आहे.

जरांगेंच्या लढ्यावर आधीरत चित्रपट-

जरांगेंनी (Manoj Jarange Patil) केलेली उपोषण, भाषणे, दौरे यांना राज्यात प्रचंड प्रतिसाद मिळाला. मराठा समाजाच्या ताकदीचं दर्शनच या निमित्ताने झालं. मनोज जरांगे पाटील यांना मिळत असलेल्या प्रतिसादामुळे राज्य सरकारातील मंत्री, मुख्यमंत्री, अन्य नेत्यांनाही त्यांची दखल घ्यावी लागली. मराठा समाजाच्या आरक्षणासाठी मनोज जरांगे पाटील यांनी पुकारलेला एल्गार धमाकेदार “संघर्षयोद्धा मनोज जरांगे पाटील” या चित्रपटाच्या टीजरमधून दिसत आहे.

चित्रपट कधी प्रदर्शित होणार?

मराठा आरक्षण मिळावं यासाठी जरांगे (Manoj Jarange Patil) रात्र दिवस राज्यात जाऊन सभा घेत होते. एवढंच नव्हे तर, मराठा समाजाच्या मुद्द्यावर गेले काही महिने राज्यातील राजकारण अक्षरशः ढवळून निघालं होतं. तर याचा परिणाम राजकारणात देखील झाला होता. विरोधी पक्षांनी मराठा आरक्षणाच्या मुद्यावरुन एकमेकांवर हल्लाबोल केला होता.

मराठा समाजाला आरक्षण मिळवून देण्यासाठी संघर्ष करत असलेले मनोज जरांगे पाटील यांची कहाणी आता “संघर्षयोद्धा”- मनोज जरांगे पाटील या चित्रपटातून मांडली जाणार आहे. या चित्रपटाचा धमाकेदार टीजर लाँच करण्यात आला आहे. हा चित्रपट पुढील महिन्यात 26 एप्रिल रोजी प्रदर्शित होणार आहे.

चित्रपटाचं लेखन आणि निर्मिती-

संघर्ष योद्धा या चित्रपटाचं लेखन आणि निर्मिती हे सोनाई फिल्म क्रिएशन या निर्मिती संस्थेच्या गोवर्धन दोलताडे यांनी केलं आहे. तर सहनिर्माते रामदास मेदगे, जान्हवी मनोज तांबे, दत्तात्रय लोहकरे कार्तिक दोलताडे , नर्मदा सिनेव्हिजन्स हे आहेत, शिवाजी दोलताडे यांनी दिग्दर्शनाची जबाबदारी पेलली आहे. डॉ.सुधीर निकम यांची संवाद आणि पटकथा आहे.

News Title : manoj jarange patil movie teaser launch

महत्त्वाच्या बातम्या-

मनोज जरांगे पाटलांचा ‘तो’ व्हिडीओ व्हायरल; सगळीकडे एकच चर्चा

महाशिवरात्रीला अशाप्रकारे भोलेनाथाची पूजा करा; होईल मनातील इच्छा पूर्ण

सरकारी नोकरीची सुवर्णसंधी! या विभागात भरती प्रक्रिया सुरु; या तारखेपर्यंत करा अर्ज

‘पहला नशा’…आमिर खान आणि नीता अंबानीचा तो डान्स व्हिडीओ होतोय तुफान व्हायरल

सैनिकांसाठी आनंदाची बातमी! Honda Elevate कार आर्मी कॅन्टीनमध्ये उपलब्ध असणार