MS Dhoni Ipl Record Break l यंदाच्या वर्षी आयपीएलचा हंगाम 22 मार्चपासून सुरू होत आहे. या हंगामात पहिला सामना हा चेन्नई सुपर किंग्ज आणि आरसीबी यांच्यात होणार आहे. चेपॉकमध्ये खेळल्या जाणाऱ्या आयपीएल 2024 च्या पहिल्या सामन्यापासूनच खळबळ उडाली आहे. पहिल्याच सामन्यात महेंद्रसिंग धोनी एका मोठ्या विक्रमाचे लक्ष्य गाठणार आहे. मात्र त्यासाठी धोनीला काही धावा कराव्या लागणार आहेत. तर धोनी नेमका विक्रम करणार आहे हे जाणून घेऊयात..

MS Dhoni Ipl Record Break l MS धोनी मोठा विक्रम करण्यास सज्ज! :

42 वर्षीय धोनी RCB विरुद्ध खेळल्या जाणाऱ्या IPL 2024 च्या पहिल्या सामन्यात 43 धावा करून एक मोठा विक्रम करणार आहे. जर धोनीने पहिल्या सामन्यात (MS dhoni) 43 धावा केल्या तर तो CSK चा दुसरा क्रिकेटर आणि IPL संघाकडून खेळताना 5000 धावा पूर्ण करणारा चौथा क्रिकेटर बनणार आहे. धोनीने सीएसकेकडून खेळताना आतापर्यंत आयपीएलमध्ये 4957 धावा केल्या आहेत. जर त्याने 43 धावा केल्या तर सीएसकेसाठी अशी कामगिरी करणारा तो सुरेश रैनानंतरचा दुसरा खेळाडू ठरणार आहे.

आत्तापर्यंत एबी डिव्हिलियर्स आणि ख्रिस गेल यांनाही त्यांच्या आयपीएल फ्रँचायझीसाठी ही कामगिरी करता आलेली नाही. केवळ विराट कोहली, रोहित शर्मा, सुरेश रैना आणि इतर अनेक खेळाडूंनी कोणत्याही एका आयपीएल संघासाठी 5000 पेक्षा जास्त धावा केल्या आहेत. विराट कोहलीने आरसीबीकडून खेळताना आतापर्यंत एकूण 7263 धावा केल्या आहेत. तर सुरेश रैनाने सीएसकेसाठी 5529 धावा केल्या आहेत