मुंबई | दिशा सालियान प्रकरणी भाजप नेते नारायण राणे (Narayan Rane) आणि आमदार नितेश राणे (Nitesh Rane) यांची मालवणी पोलिसांकडून तब्बल 9 तास चौकशी करण्यात आली. यानंतर त्यांनी माध्यमांशी संवाद साधला.
पोलीस ठाण्यातून बाहेर पडल्यानंतर माध्यमांशी बोलताना नारायण राणे यांनी ठाकरे सरकारवर जोरदार टीका केली. मला दोन दिवसांपूर्वी पोलीस ठाण्यातून एक नोटीस आली होती. आपण आपलं म्हणणं सांगण्यासाठी पोलीस ठाण्यात यावं अशी ती नोटीस होती. त्यात दिशा सालियानच्या आईने तक्रार केल्यामुळे तुम्हाला तुमचं म्हणणं सांगायला बोलावण्यात आलं आहे, असं त्यांनी सांगितलं.
दिशाबाबत जे काही मी आणि नितेश पत्रकार परिषदेत बोललो होतो. तिचे खरे आरोपी पकडले पाहिजेत. तिने आत्महत्या केली नसून ती हत्या आहे, असं मी वारंवार बोलत होतो. त्यामुळे मुंबईच्या महापौर किशोरी पेडणेकर या दिशाच्या आईकडे गेल्या. त्यांना तक्रार करण्यासाठी प्रवृत्त केलं. आईला खोटी तक्रार करायला लावली, असा गंभीर आरोप नारायण राणेंनी केला आहे.
माझ्या जबाबात मी सुरुवातीपासून घडलं ती माहिती आणि आम्ही जे बोलत होतो ते सांगितलं. एवढंच नाही तर दिशा सालियानची 8 जून आणि सुशांतची 13 जूनला हत्या झाल्यानंतर मला महाराष्ट्राचे मुख्यमंत्री माननीय उद्धव ठाकरे यांचा दोन वेळा फोन आला की, तुम्ही सुशांत आणि दिशाच्या केसबाबत बोलू नका. एका मंत्र्याची गाडी होती असं बोलू नका. मी बोललो मी एक लोकप्रतिनिधी आहे, का बोलू नको? तर तु्म्हालाही मुलं आहेत, तुम्ही असं काही करु नका. मात्र, माझं हे वाक्य माझ्या जबाबातून वगळण्यात आलं आहे. याचाच अर्थ हा सर्व प्रकार राजकीय हेतूने प्रेरित आहे, असं राणेंनी म्हटलंय.
कोणावर अन्याय होत असेल तर आम्ही अन्यायाविरोधात आवाज उठवणारचं. आमच्या आयुष्यातून 5 तास घेतले म्हणजे फार काही फरक पडणार नाही. दिशा सालियानची माझ्या माहितीप्रमाणे केस बंद करण्यात येतेय. ज्या लोकांनी अत्याचार केला त्यांना संरक्षण देण्याचं काम हे सरकार करत आहे. पण मी शेवटपर्यंत आवाज उठवत राहणार, असा इशाराही राणेंनी दिला आहे.
मला 9 तास बसवून घेतलं. मी सांगतोय मी केंद्रीय मंत्री आहे, नितेश आमदार आहे. आम्हाला अधिकार आहे कुणावर अन्याय होत असेल तर न्याय मिळवून द्यावा, असं नारायण राणे म्हणालेत.
महत्वाच्या बातम्या-
कसा असेल पंतप्रधान नरेंद्र मोदींचा पुणे दौरा?; जाणून घ्या एका क्लिकवर
कसा असेल पंतप्रधान नरेंद्र मोदींचा पुणे दौरा?; जाणून घ्या एका क्लिकवर
“शरद पवार म्हणजे पौर्णिमेचा चंद्र, त्यांनी पावसातली सभा गाजवली पण…”
आत्ताची मोठी बातमी! युद्ध थांबवण्यासाठी रशियाने युक्रेनसमोर ठेवली ‘ही’ अट
हाॅटेलच्या रूममध्ये नेमकं काय घडलं?, शेन वाॅर्नच्या मॅनेजरचा मोठा खुलासा
