“सत्ताधारी भाजप पक्षात अंडरवर्ल्ड डॉन दाउदची लोक काम करतात”

by
Nawab Malik00223

मुंबई : विधानसभा निवडणुका जाहीर होताच राजकीय आरोप-प्रत्यारोप सुरु झाले आहेत. त्यातच राष्ट्रवादीचे नेते नवाब मलिक यांनी भाजपवर गंभीर आरोप केल्याने खळबळ उडाली आहे. सत्ताधारी भाजप पक्षात चक्क अंडरवर्ल्ड डॉन दाउद इब्राहिमच्या गॅगचे लोकं मोठ्या प्रमाणात कार्यरत असल्याचा आरोप नवाब मलिक यांनी केला आहे. विधानसभा निवडणुकीच्या अनुषंगाने घेण्यात आलेल्या पत्रकार परिषदेत ते बोलत होते.

राष्ट्रवादी काँग्रेस पक्षाचे अध्यक्ष शरद पवार यांनी पाकिस्तानातील लोकांची प्रशंसा केल्यानंतर भाजपकडून टीका होत असल्याचा प्रश्नाला उत्तर देतांना नवाब मलिक म्हणाले की, भाजपमध्ये दाउद गॅगचे लोकांची मोठी संख्या आहे.

उत्तर प्रदेशमधील कैसरगंज लोकसभा मतदारसंघाचे विद्यमान खासदार बृजेश सिंह यांचा 1992 मध्ये झालेल्या जे.जे. हत्याकांड सहभाग होता, असा आरोप मलिक यांनी केला आहे.

दाउद गँगंशी संबध असल्याचा दावा मलिक यांनी केला. तर याप्रकरणी खासदार सिंह यांच्यावर टाडा सुद्धा लावण्यात आला होता, असाही आरोप मलिक यांनी केला.

भाजपच्या आयटी सेलमध्ये सुद्धा दहशतवादी संघटना असलेल्या ISIS ची लोकं कार्यरत असून त्यांना अनेकवेळा अटक सुद्धा करण्यात आली. त्यामुळे ज्यांची अशी परिस्थिती असेल अशा लोकांनी आमच्या बाबतीत बोलू नयेत, असं मलिक म्हणाले.

महत्वाच्या बातम्या-