मुंबई | राज्याचे अल्पसंख्याक मंत्री आणि राष्ट्रवादी काँग्रेसचे प्रवक्ते नवाब मलिक (Nawab Malik) यांच्या घरी आज ईडीने धकड मारत चौकशीला बोलावलं. ईडीने चौकशीसाठी ताब्यात घेतल्यानंतर राजकीय वर्तुळात खळबळ माजल्याचं पहायला मिळतंय.
नवाब मलिकांना सकाळी साडेसातच्या सुमारास ईडी कार्यालयात घेऊन गेले होते. सकाळी साडेआठ वाजल्यापासून ईडी कार्यालयात मलिकांची चौकशी सुरू करण्यात आल्याची माहिती मिळाली होती.
अशातच आता मलिकांना ईडी अटक करणार की काय अशी चर्चा आता सुरू आहे. त्यामुळे आता राष्ट्रवादीचे कार्यकर्ते आता आक्रमक झाल्याचं पहायला मिळतंय.
राष्ट्रवादीच्या अनेक नेत्यांनी या प्रकरणावरून संताप व्यक्त केला आहे आणि केंद्र सरकारवर टीका देखील केली. शरद पवारांनी देखील केंद्र सरकारवर निशाणा साधला आहे.
अशातच आता राष्ट्रवादीचे खासदार अमोल कोल्हे यांनी कवितेच्या माध्यमातून केंद्र सरकार आणि राज्यातील भाजप नेत्यावर टीका केली आहे.
कोल्हेंची कविता….
सत्तेच्या माडीसाठी
ईडीची शिडी
विनाकारण मारी
धाडीवर धाडी
सलते सत्तेवरील
महा-आघाडी
म्हणून कमळाबाई
ती लाविते काडी
तपासयंत्रणा झाल्या
कमळीच्या सालगडी
पाकळ्यांमध्ये नाहीत का
काहीच भानगडी?
पण लक्षात ठेवा…
पुरून उरेल सर्वांना
रांगडा राष्ट्रवादी गडी
दरम्यान, अंडरवर्ल्ड म्हणजेच डी गँगशी संबंधित कथित प्रकरणावर चौकशी सुरू असल्याचं कळतंय. काही दिवसांपूर्वी ईडीने दाऊदच्या जावयाची चौकशी केली होती. त्यामुळे मनी लाँड्रिंग प्रकरण चांगलंच चर्चेत आलं होतं.
महत्त्वाच्या बातम्या –
“कोरोना वुहानच्या ज्या प्रयोगशाळेतून निघाला त्याचा मालक बिल गेट्स”
दहावी, बारावी पास असणाऱ्यांसाठी पोस्ट ऑफिस विभागात नोकरीची सुवर्णसंधी!
‘मॅचपूर्वी सेक्स केल्याने मला…’; ‘या’ प्रसिद्ध माजी खेळाडूचा मोठा खुलासा
पाकिस्तानी बाॅलरला राग अनावर! भर मैदानात खेळाडूच्या कानाखाली मारली; पाहा व्हिडीओ
