'या राज्यात नामर्दांचं सरकार आहे'; नितेश राणेंची ठाकरे सरकारवर जहरी टीका

मुंबई | एमआयएमचे नेते अकबरूद्दीन ओवैसी यांच्या औरंगाबाद दौऱ्यावरून राज्यात मोठा वाद निर्माण झाला आहे. यावरून राज्य सरकारला देखील टीकेचा सामना करावा लागत आहे.

ओवैसींनी औरंगाबाद येथील औरंगजेबाच्या कबरीचं दर्शन घेतल्यानं नव्या वादाला सुरूवात झाली आहे. त्यांच्यासोबत औरंगाबादचे खासदार इम्तियाज जलील देखील उपस्थित होते.

स्वराज्याचे दुसरे छत्रपती संभाजी महाराजांची जयंती जवळ आली असताना आता राज्यात परत एकदा औरंगजेबाच्या नावावरून राजकारण रंगलं आहे.

भाजप नेते व आमदार नितेश राणे यांनी औवैसींच्या दौऱ्यावरून ठाकरे सरकारवर जहरी टीका केली आहे. परिणामी राज्यात वाद निर्माण झाला आहे.

या कारट्या ओवेसीला माहीत आहे की, मी औरंगजेबाच्या थडग्या समोर नागडा नाचलो तरी मला दोन पायावर महाराष्ट्रात फिरता येईल. कारण राज्यामध्ये नामर्दांचे सरकार आहे, अशी टीका राणेंनी ठाकरे सरकारवर केली आहे.

याला म्हणतात यांचे खरे हिंदुत्व, असं म्हणत नितेश राणेंनी मुख्यमंत्री उद्धव ठाकरेंना हिंदूत्वावरून डिवचण्याचा प्रयत्न केला आहे.

दरम्यान, नितेश राणेंच्या टीकेनंतर राज्यातील इतर भाजप नेत्यांनी देखील महाविकास आघाडी सरकारला आता औवैसी प्रकरणावरून घेरायला सुरूवात केली आहे.

या कारट्या ओवेसी ला माहीत आहे की,
मी औरंगजेबाच्या थडग्या समोर नागडा नाचलो तरी मला दोन पायावर महाराष्ट्रात फिरता येईल.. कारण राज्या मध्ये “नामर्दांचे सरकार आहे”…
याला म्हणतात यांचे खरे हिंदुत्व!! pic.twitter.com/FB7pVSOraE
— nitesh rane (@NiteshNRane) May 13, 2022