मुंबई : मनसे अध्यक्ष राज ठाकरे यांना ईडीने नोटीस पाठवल्यामुळे ठाण्यातील एका मनसे कार्यकर्त्याने आत्महत्या केल्याचा धक्कादायक प्रकार समोर आला आहे. मंगळवारी 20 ऑगस्टला रात्री उशिरा ही घटना घडली आहे. प्रवीण हा ठाण्यातील विटावा भागात राहत होता. प्रवीणच्या आत्महत्येनंतर मनसे नेते संदिप देशपांडे यांनी सरकारवर जोरदार हल्लाबोल चढवला आहे.
प्रवीण चौगुले हा महाराष्ट्राचा सैनिक भाजपच्या भिकारड्या राजकारणाला बळी ठरला आहे. महाराष्ट्र सैनिकांचे तळतळाट तम्हाला लागल्या शिवाय राहाणार नाही, अशी संतप्त प्रतिक्रिया संदिप देशपांडे यांनी दिली आहे.
राज ठाकरे यांना ईडीची नोटीस आली आहे. त्यामुळे त्यांना चौकशीला सामोरे जावं लागणार आहे. यामुळे मी दु:खावलो असून आत्महत्या करतोय, असं प्रवीणने त्याच्या मित्रांना आत्महत्येपूर्वी सांगितलं होतं.
प्रविणने स्वत:ला पेटवून घेऊन आत्महत्या केली आहे. त्याने आत्महत्या केल्याचं कळताच मनसेच्या कार्यकर्त्यांनी घटनास्थळी धाव घेतली. त्याचा मृतदेह कळव्यातील शिवाजी रुग्णालयामध्ये शवविच्छेदनासाठी दाखल करण्यात आला आहे.
प्रवीण हा ठाण्यातील कट्टर मनसैनिक होता. मनसेच्या अनेक कार्यक्रम, मोर्चा किंवा आंदोलनात तो सहभागी असायचा. प्रत्येक मोर्चात प्रविण मनसेचा झेंडा त्याच्या शरीरावर रंगवायचा. तसेच स्थानिक नेत्यांच्याही तो फार जवळचा होता. त्याने फेसबुकवर मनसेच्या नेत्यांसोबत फोटो पोस्ट केले आहेत. त्याच्या आत्महत्येमुळे मनसैनिकांना फार मोठा धक्का बसला आहे.
प्रवीण चौगुले हा महाराष्ट्र सैनिक भाजप च्या भिकारड्या राजकारणाचा बळी ठरला महाराष्ट्र सैनिकांचे तळतळाट तुम्हाला लागल्या शिवाय राहणार नाहीत माझी सर्व सहकार्यांना विनंती आहे त्यांनी संयम बाळगावा
— Sandeep Deshpande (@SandeepDadarMNS) August 21, 2019
महत्वाच्या बातम्या-
-राज ठाकरेंना आवडणार नाही असं काहीही करु नका- अविनाश जाधव
-उदयनराजे भाजपमध्ये आले तर त्यांचं स्वागतच- शिवेंद्रराजे भोसले
-मी वयाच्या बाराव्या वर्षी पहिल्यांदा शरीरसंबंध ठेवला; अभिनेता रणवीर सिंगची कबुली!
-राज ठाकरेंना ईडीची नोटीस; ठाण्यात मनसे कार्यकर्त्याची आत्महत्या
-भारताविरूद्ध बोलताना सांभाळून बोला; डोनाल्ड ट्रम्प यांचा इम्रान खान यांना सल्ला!