मुंबई | किरीट सोमय्या कोण आहेत ते मला माहिती नाही. असे चुX#@ देशात भरपूर आहेत. त्यांच्या संदर्भात शिवसेनेला प्रश्न विचारू नयेत, असं संजय राऊत म्हणाले 2024नंतर असे चुX#@ देशात राहणार नाहीत. त्यानंतर राजकारण लोकशाही आणि पारदर्शक असेल, असं शिवसेना नेते आणि खासदार संजय राऊत यांनी म्हटलं आहे.
देशाच्या राजकारणात अनेक बदल होणार आहेत. ममता बॅनर्जी, स्टॅलिन, केसीआर, उद्धव ठाकरे यांची गैरभाजपशासित सरकार देशाच्या आगामी राजकारणाबाबत चर्चा करत आहेत. शरद पवार आमचे मार्गदर्शक आहेत त्यांच्याशी देखील चर्चा होईल, असं संजय राऊत म्हणालेत.
उद्धव ठाकरेंना एक मुख्यमंत्री भेटायला येतो. त्याचा अशा प्रकारे अपमान केला जातो. हा महाराष्ट्राच्या मुख्यमंत्र्यांचा अपमान आहे. राज्यातील साडे अकरा कोटी जनतेचा अपमान आहे. या प्रकारची भाषा भाजप नेते वापरतात त्यांना मी पुन्हा चुX#@ म्हणतो. अशा लोकांना केंद्र सरकार संरक्षण देतं हा देखील महाराष्ट्राचा अपमान असल्याचं संजय राऊत म्हणाले.
संजय राऊत यांनी यावेळी बोलातना 2024 च्या निवडणुकीसंदर्भात भाष्य केलं. 2024 च्या निवडणुकी पासून देशाचं राजकारण बदलणार आहे. गैर भाजप राज्य सरकारांची यामध्ये महत्त्वाची भूमिका असेल, असंही संजय राऊत म्हणाले.
संजय राऊत यांनी किरीट सोमय्यांचं वक्तव्य हे महाराष्ट्राच्या मुख्यमंत्र्यांचा अपमान असल्याचं म्हटलं. महाराष्ट्रातील साडे अकरा कोटी मराठी जनतेचा अपमान असल्याचं म्हटलं. मराठीचा अपमान करणाऱ्या लोकांना केंद्र सरकार सुरक्षा देतं, असंही संजय राऊत म्हणाले.
दरम्यान, देशाचं राजकारण 2024 पासून बदलणार आहे. त्यात काँग्रेसची भूमिका देखील महत्त्वाची आहे, असंही संजय राऊत यांनी म्हटलं आहे.
महत्वाच्या बातम्या-
वजन कमी करण्यासाठी आहारात ‘या’ गोष्टींचा समावेश करा
‘…तेव्हाच कोरोना महामारीचा शेवट होईल’; WHO प्रमुखांचं मोठं वक्तव्य
एनसीबीचे माजी अधिकारी समीर वानखेडेंना मोठा झटका
