सावत्र वडिलांनी केलेल्या छळानंतर श्वेता तिवारीची मुलगी म्हणते…

मुंबई : प्रख्यात टीव्ही अभिनेत्री श्वेता तिवारी आपला दुसरा पती अभिनव कोहलीविरोधात घरगुती हिंसाचाराची तक्रार दाखल केल्यामुळे चर्चेत आली होती. आपल्या पहिल्या पतीपासून झालेली मुलगी पलक तिवारी हिला अश्लील फोटो दाखवून अभिनवने छळ केल्याचा आरोप श्वेताने केला होता. त्यानंतर पलकने इन्स्टाग्रामवरुन या घटनेतील तथ्य समोर आणण्याचा प्रयत्न केला आहे.

‘माझ्याबद्दल काळजी वाटून पाठिंबा दिल्याबद्दल सर्वप्रथम तुमचे आभार. दुसरं म्हणजे माझ्या वागणुकीबद्दल निर्माण झालेल्या काही शंकांचं निरसन मला करायचं आहे. मीडियाला या घटनेमागील सत्य माहित नाही, आणि त्यांना ते कधीच समजणार नाही. मी, पलक तिवारी अनेक वेळा घरगुती हिंसाचाराला बळी पडले होते, माझी आई नाही. फक्त ज्या दिवशी तक्रार दाखल केली, त्या दिवशी अपवादाने माझ्या आईवर हात उचलला गेला’, असं पलक म्हणते.

‘बंद दाराआड काय चालतं, किंवा माझ्या आईने तिच्या दोन्ही संसारांमध्ये किती मनोधैर्य दाखवलं, याचा वाचकांना विसर पडू शकतो. तुम्ही एखाद्या व्यक्तीच्या घरगुती प्रकरणांवर लिहित आहात. कोणाच्या तरी आयुष्यावर चर्चा करत आहात. सुदैवाने तुमच्यापैकी अनेकांना इतक्या घृणास्पद प्रकाराला कधी सामोरंही जावं लागलं नसेल. त्यामुळे तुम्हाला यावर भाष्य करण्याचा, पूर्वग्रहदूषित नजरेने एखाद्याची प्रतिमा मलीन करण्याचा कोणताही अधिकार नाही.’ असं म्हणत पलकने हा विषय चघळणाऱ्यांना खडसावलं.

‘हे अत्यंत निंदनीय आहे. माझी आई माझ्या माहितीतील सर्वात कणखर व्यक्ती आहे, त्यामुळे तिला पाठिंबा देण्याची वेळ आली आहे. तिचा स्ट्रगल पाहणारी मी एकमेव व्यक्ती असल्यामुळे केवळ माझ्या मताला किंमत आहे’ असं पलक पुढे म्हणते.

‘अभिनव कोहलीने मला कधीच शारीरिक त्रास दिला नाही, कधी चुकीचा स्पर्शही केला नाही. चुकीची गोष्ट पसरवण्याआधी किंवा त्यावर विश्वास ठेवण्याआधी वाचकांना सत्यता समजणं गरजेचं आहे. मात्र त्याने सतत अयोग्य आणि त्रासदायक टिपण्णी केलेली आहे, त्याचे परिणाम फक्त मला आणि आईलाच माहित आहेत. कुठल्याही महिलेने ते ऐकलं तर तिला लाज वाटेल आणि ती पेटूनही उठेल.’ अशा शब्दात पलकने सावत्र वडिलांविषयी संताप व्यक्त केला.

‘ते शब्द कुठल्याही महिलेच्या मानसन्मानाला बाधा पोहचवणारे आहेत. ते कुठल्याही पुरुषाकडून ऐकणं अपेक्षित नाही, वडिलांकडून तर नाहीच नाही. सोशल मीडियातून आमच्या आयुष्यात डोकावणं, पेपरमध्ये आमच्याविषयी वाचणं यातून तुम्हाला आमचा स्ट्रगल समजेल, पण त्यावर कमेंट करण्याचा तुम्हाला अधिकार नाही.’ असंही पलक दरडावते.

‘माझी आई माझ्यासाठी सर्वात आदरणीय आहे. ती स्वयंसिद्ध आहे. तिला कोणत्याही पुरुषाची गरज नाही. ती आमच्या दोन्ही कुटुंबांसाठी पुरुषाची भूमिका लीलया बजावत होती’ अशा भावनाही पलकने व्यक्त केल्या आहेत.

 

View this post on Instagram

 

Firstly, i would like to thank everyone who’s reached out to express their concern and support. Secondly, i would like to address and clarify a few things out of my own rectitude: The media does not have the facts and they never will. I, Palak Tiwari, was on multiple occasions a victim of domestic abuse NOT my mother, except for the day that the complaint was filed he hadn’t hit my mother. As a reader of the news its often easy to forget that you do not know the truth of what goes on behind closed doors or how much fortitude my mother has shown in both her marriages. This is someone’s household you’re writing about, someone’s life you’re discussing. Many of you fortunately haven’t even dealt with something of such heinous proportions, and hence you have no right to comment, discuss or paint someone else’s image through your biased, misinformed views. It’s beyond disgusting and its time that i stand up for my mother for she is the strongest person i know and since out of all of us I’m the only person who’s witnessed her struggle day in and day out, my opinion is the only one that matters. Abhinav Kohli has never physically molested me, or touched me inappropriately. Before spreading something of this caliber or even believing it, its imperative you as readers know the veracity of the facts that you’re blindly divulging endlessly. However, he did persistently make inappropriate and disturbing remarks the impact of which is only known to my mother and I, and if any woman from any walk of life were to hear them she would be greatly embarrassed and provoked too. Words which would question the standing dignity of any woman, which you wouldn’t expect to hear from any man, especially not your “father”. Seeing our lives through social media, reading about us in the papers can only tell you so much about our struggles, but never enough to comment on them. Today as a proud daughter, I’m here to tell you that my mother is the most respectable individual that I’ve ever come across, the MOST self sufficient, one who’s never required or even had a man provide for her and has always taken the social standing of a “man” in both the families that we’ve been a part of.

A post shared by Palak Tiwari (@palaktiwarii) on Aug 12, 2019 at 10:34am PDT

महत्वाच्या बातम्या-

-“मी विमान पाठवतो, तुम्ही स्वत: या आणि काश्मीरमधील परिस्थिती बघा”

-बालपणापासूनच्या ते गेल्या 18 वर्षापर्यंत मोदींनी सांगितल्या ‘या’ सगळ्या गोष्टी

-कोल्हापूर, सांगली, साताऱ्यात येत्या दोन दिवसात मुसळधार पावसाचा इशारा

-अमित शहा स्वातंत्र्यदिनी जम्मू काश्मीरमध्ये तिरंगा फडकवण्यासाठी जाणार?

-तक्रार करणाऱ्या पूरग्रस्ताला चंद्रकांत पाटलांची दमदाटी