अभिमानास्पद … चिमुरड्या शर्विकाने केला अर्ध्या तासात कलावंतीणीचा सुळका सर!

रायगड | प्रजासत्ताक दिनादिवशी सकाळी ध्वजाला वंदन करून बाहेर फिरायला जायचं नियोजन असतं. अनेकजण या दिवशी काहीना काही विशेष करत असतात. असाच एक अनोखा पराक्रम अलिबागमधील अडीच वर्षाच्या चिमुरडीने केला आहे. प्रबळगडाचा अवघड असा कलावंतीणीचा सुळका सर केला आहे. चिमुरडीने आपल्या आई-बाबांसह अर्ध्या तासात हा सुळका सर केला.

शर्विका म्हात्रे असं या चिमुरडीचं नाव आहे. शर्विकाचं सर्व स्तरातून  कौतुक केलं जात आहे. यापूर्वी शर्विकाने अकरा किल्ले सर केले असल्याची माहिती आहे. शर्विकाची चढण्याची जिद्द पाहून इतर पर्यटकांनीही सुळका चढण्याची स्फूर्ती मिळाली.

शार्विकाने या सुळक्यावर आरोहणकरून गडावर तिरंगा आणि भगवा ध्वज फडकावला. तसेच गडावर स्वच्छता आणि व्यसनमुक्तीचे फलक झळकावीत समाजातील तरूण वर्गाला एक उत्तम असा संदेश दिला.

दरम्यान, कलावंतीण सुळका हा चढाईसाठी अत्यंत कठीण मानला जातो. आजूबाजूला कशाचाही आधार नसलेल्या दगडात कोरलेल्या पायर्‍या आणि आभाला भिडणारा सुळका असा हा सुळका चढाई करताना भल्याभल्यांची भंबेरी उडते.

महत्वाच्या बातम्या-

-“अर्थव्यवस्थेत महाराष्ट्राचं योगदान सर्वात जास्त आहे पण…”

-राहुल गांधींच्या ‘त्या’ टीकेवरुन स्मृती इराणींनी केला ‘हा’ थेट सवाल

-सरकार बदललं की, आधीच्या सरकारच्या चौकशीचं राजकारण सुरु होतंच- देवेंद्र फडणवीस

-केंद्र सरकारने SC आणि OBC बजेट एकत्र सादर करून या समूहात भांडण लावण्याचं काम केलं- प्रकाश आंबेडकर

-फडणवीस सरकारने रेडिओ व टीव्ही वाहिन्यांवर केलेल्या जाहिरातीचे धक्कादायक आकडे उघड