सातारा : सातारा लोकसभा मतदार संघाची पोटनिवडणूक ज्येष्ठनेते शरद पवार हे लढवणार असतील, तर त्यांच्या विरोधात मी उमेदवारी अर्जच भरणार नसल्याचे भावनिक वक्तव्य उदयनराजे भोसले यांनी साताऱ्यात माध्यमांसमोर नोंदवल्यानंतर याबाबत राजकीय वर्तुळातून प्रतिक्रिया उमटू लागल्या आहेत. राष्ट्रवादीचे विधानसभेतील पक्षप्रतोद आमदार शशिकांत शिंदे यांनी उदयनराजेंच्या या दिलदार भूमिकेचे तोंड भरून कौतुक केले आहे.
उदयनराजे भोसले यांच्या नव्या भूमिकेमुळे जर सातारा लोकसभा मतदार संघातून शरद पवार अविरोध खासदार होत असतील, तर त्याचा स्वाभाविकपणे आम्हाला आनंदच वाटेल, असे शिंदे यांनी म्हटले आहे.
सातारा लोकसभा मतदार संघाचे नवनिर्वाचित खासदार उदयनराजे भोसले यांनी नुकताच राष्ट्रवादी काँग्रेस व आपल्या खासदारकीचा राजीनामा देऊन भाजप श्रेष्ठींच्या उपस्थितीत कमळ चिन्ह हाती घेतल्याने लोकसभेच्या सातारा मतदार संघाची पोटनिवडणूक होत असून, उदयनराजे भाजपचे उमेदवार म्हणून लोकांसमोर आले आहेत.
कालच या पोटनिवडणुकीचा कार्यक्रम जाहीर झाला असून, त्यानुसार ही निवडणूक विधानसभेच्या निवडणुकीबरोबर 21 ऑक्टोबरला होत असल्याचे निवडणूक आयोगाने जाहीर केले आहे.
महत्वाच्या बातम्या-
नाशिकमध्येही मुसळधार पाऊस; गोदावरीला पूर – https://t.co/QRX0tx6njL #nashikrains
— महाराष्ट्र केसरी (@MahaKesariNews) September 26, 2019
महाराज, तख्तही तुमचं ताजही तुमचाच; उदयनराजेंना ‘या’ पक्षानं दिली ऑफर- https://t.co/V7ZTi9zdHq #म
— महाराष्ट्र केसरी (@MahaKesariNews) September 26, 2019
पुण्यात पावसाचे थैमान; भिंत कोसळून पाच जण ठार – https://t.co/teICp9hTja #punerains #म
— महाराष्ट्र केसरी (@MahaKesariNews) September 26, 2019