“लोकप्रिय मुख्यमंत्र्यांच्या यादीत समावेश झाला हे माझं एकट्याचं नाही तर तुम्हा सर्वांचं यश”

मुंबई |  आयएनएस आणि सी-व्होटर्सने लोकप्रिय मुख्यमंत्र्यांबाबत एक देशपातळीवर सर्व्हे केला. या लोकप्रिय 5 मुख्यमंत्र्यांमध्ये महाराष्ट्राचे मुख्यमंत्री उद्धव ठाकरे यांचा देखील समावेश करण्यात आला आहे. त्यावर भाष्य करताना लोकप्रिय मुख्यमंत्र्यांच्या यादीत समावेश झाला हे माझं एकट्याचं नाही तर तुम्हा सर्वांचं यश, असं उद्धव ठाकरे म्हणाले आहेत.

लोकप्रिय मुख्यंंत्र्यांच्या यादीत माझा समावेश झाला हे माझं एकट्याचं यश नाही. सहा महिन्यांच्या काळात शिवरायांचं हे राज्य पुढं नेण्यासाठी मला साथ देणाऱ्या प्रत्येकाचं हे यश आहे. मुख्यमंत्रीपद हे फक्त निमित्त आहे महाराष्ट्र राज्याची सेवा घडते आहे हे महत्त्वाचं. लोकप्रिययतेत माझा वरचा नंबर येण्यापेक्षा महाराष्ट्र जगभरात पहिलं राज्य कसं करता येईल हे माझं ध्येय असल्याचं मुख्यमंत्री म्हणाले.

महाारष्ट्राच्या जनतेने संकटकाळात विश्वास दाखवला. तसंच माझ्या मंत्रिमंडळाने आणि अधिकाऱ्यांचे देखील… त्याबद्दल त्यांच्या सर्वांचे आभार अर्थात तमाम शिवसैनिकांचे प्रेम व शिवसेनाप्रमुख आणि मॉंसाहेबांच्या आशीर्वादशिवाय ही झेप घेणं शक्य नाही, असंही उद्धव ठाकरे म्हणाले.

दुसरीकडे उद्धव ठाकरेंचा लोकप्रिय मुख्यमंत्र्यांच्या यादीत समावेश झाल्याने मंत्रिमंडळातील त्यांच्या सहकाऱ्यांना देखील आनंद झाला आहे. काँग्रेस प्रदेशाध्यक्ष बाळासाहेब थोरात यांनी आनंदी होत उद्धव ठाकरे यांचा लोकप्रिय मुख्यमंत्र्यांमधील समावेश हा आमच्यासाठी अभिमानाची बाब असल्याचं म्हटलं आहे.

 

 

महत्वाच्या बातम्या-

-‘मुंबई सोडून जायचं नव्हतं पण…’; सनीने सांगितलं अमेरिकेला जाण्यामागचं खरं कारण

-मुख्यमंत्र्यांनी लॉकडाऊनमधील काही निर्बंध केले शिथील तर नव्या उपक्रमांना दिली संमती!

-आरोग्य विभागातील सर्व रिक्त पदे भरणार- आरोग्यमंत्री राजेश टोपे

-वैद्यकीय शिक्षण मंत्र्यांनी घेतली राज्यपालांची भेट; भेटीनंतर परीक्षांबाबत केला मोठा निर्णय जाहीर

-पुण्यात आज 157 रूग्णांना डिस्चार्ज, पाहा किती रूग्ण वाढले