दहशतवाद्यांना आम्हीच प्रशिक्षण दिलं आहे- इम्रान खान

by
Imran Khan e1648645490491

नवी दिल्ली : दहशतवादी संघटना अल कायदाला प्रशिक्षण पाकिस्तानातच देण्यात आल्याची कबुली खुद्द पाकिस्तानचे पंतप्रधान इम्रान खान यांनी दिली. दहशतवादाविरूद्ध हा पाकिस्तानचा सर्वात मोठा कबुलीजबाब आहे.

अमेरिकेतील 11 सप्टेंबर 2001 रोजी अमेरिकेतील वर्ल्ड ट्रेड सेंटरवरील हल्ल्यापूर्वी अल कायदाच्या दहशतवाद्यांना पाकिस्तानी लष्कर आणि आयएसआयने प्रशिक्षण दिलं होतं, असा कबुलीजबाब इम्रान खान यांनी दिला आहे. अमेरिकन थिंक टँक काऊंसिल ऑन फॉरेन रिलेशन्स’मध्ये (सीएफआर) बोलत होते.

अमेरिकेच्या दहशतवादी हल्ल्यानंतर पाकिस्तान सरकारने दहशतवादी संघटनांबाबतचं आपलं धोरणं बदललं. परंतु पाकिस्तानी लष्कर तसं करू इच्छित नसल्याची माहिती इम्रान खान यांनी दिली.

इम्रान खान यांनी ओसामा बिन लादेन हा पाकिस्तानमध्ये असल्याची आपल्याला माहिती होती, असंही त्यांनी सांगितलं आहे.

आयएसआयने सीआयएला ओसामा पाकिस्तानात असल्याची माहिती दिली होती. त्याच माहितीच्या आधारावर अमेरिकेने त्याच्यावर कारवाई केली. अल कायदा आणि त्याचा म्होरक्या ओसामा बिन लादेनवर पाकिस्तानकडून गेल्या तीन महिन्यांमध्ये दुसऱ्यांदा कबुलीजबाब देण्यात आला आहे.

महत्त्वाच्या बातम्या –