मुंबई | ह.भ.प. इंदुरीकर महाराज देशमुख यांच्यावर तिखट शब्दात टीका केल्यानंतर भुमाता ब्रिगेडच्या संस्थापक तृप्ती देसाई यांना मोठा विरोध सहन करावा लागत आहे. काहींनी त्यांच्यावर अश्लील शब्दात अत्यंत खालच्या पातळीची टीका केली आहे. या पार्श्वभूमीवर अभिनेत्री किशोरी शहाणे यांनी या टीकाकारांना खडेबोल सुनावले आहेत.
मला अभिमान आहे की मी भारताची नागरिक आहे. जिथं स्त्रीला देवीसमान मानलं जातं आणि देवीची पुजा केली जाते. लहान मुलींपासून मोठ्या स्त्रीयांशी आपण आदरानं वागतो. पण एखादी स्त्री चुकीचं वागत आहे किंवा तिचं कार्य चुकीचं आहे असं जेव्हा आपल्याला वाटतं तेव्हा आपण तिच्यावर अश्लील टीका करतो हे योग्य नाही, असं त्या म्हणाल्या आहेत.
माझं म्हणणं एवढंच आहे की टीका करायची असेल तर तिच्या विचारांवर टीका करा, पण ती सभ्य भाषेत करा. विचारांचा मतभेद आहे त्यासाठी अश्लील भाषा वापरणं याचा मी निषेध करते. तृप्ती देसाई या सामाजिक कार्यकर्त्या आहेत, त्या ज्या गोष्टी करतात त्या कुणाला आवडतील, कुणाला आवडणार नाहीत. पण याचा अर्थ असा नाही की तुम्ही त्यांच्यावर अश्लील भाषेत टीका कराल, असं म्हणत शहाणे यांनी टीकाकारांना सुनावलं आहे.
सभ्यतेनेही तुम्ही त्या विचारांचा विरोध करु शकता. एखादी गोष्ट तुम्हाला आवडली नाही तर तुम्ही सभ्य भाषेत सुद्धा सांगू शकता. टीका करा पण विचारांनी विचारांची टीका करा, अशी विनंती शहाणे यांनी केली आहे.
महत्त्वाच्या बातम्या-
-ऐ भावा, इंदुरीकरांची कसली भारी हवा….. चाहत्यांनी बैलगाडीतून काढली मिरवणूक!
-पुण्यातली ‘सविताभाभी’ सापडली… दुसरी तिसरी कुणी नाही, ती आहे सई ताम्हणकर!!
-माझ्यापेक्षा सोमय्या अन् भांडारींची चिंता केली असती तर बरं झालं असतं; सावंतांचा पलटवार
-‘गावासाठी जे मागाल ते सगळं देईन’!; तानाजी मालुसरेंच्या गावातून मुख्यमंत्र्यांची ग्वाही
-“नशीब 105 वर अडकले…. आता जर आम्हाला खेटले तर 15 पण निवडून येणार नाही”
