नवी दिल्ली | दिल्ली विधानसभा निवडणुकीसाठी आता महाराष्ट्रातून मदत मिळणार आहे. आजपासून महाराष्ट्रातील भाजपचे नेते दिल्लीतील विधानसभा निवडणुकीसाठी प्रचार करणार असल्याची माहिती मिळतेय.
महाराष्ट्रातील जवळपास २५ नेत्यांवर दिल्लीतील प्रचाराची जबाबदारी दिल्याची माहिती समोर येतेय. प्रामुख्याने विरोधी पक्षनेते देवेंद्र फडणवीस आणि विनोद तावडे हे आजच प्रचारासाठी दिल्लीत दाखल होणार आहेत तर प्रदेशाध्यक्ष चंद्रकांत पाटील आणि आमदार आशिष शेलार हे फेब्रुवारीच्या पहिल्या आठवड्यात प्रचार करणार आहेत.
दिल्लीत एकाच टप्प्यात सर्व 70 जागांसाठी मतदान होणार आहे. अरविंद केजरीवाल यांच्या नेतृत्त्वातील आम आदमी पक्षाच्या सरकारने दिल्लीत पाच वर्ष पूर्णपणे सत्ता राखली आहे. 8 फेब्रुवारी रोजी दिल्ली विधानसभा निवडणुकांसाठी मतदान होणार आहे. तर 11 फेब्रुवारी रोजी मतमोजणी होईल.
दिल्लीत 15 फेब्रुवारीपासून केंद्रीय माध्यमिक शैक्षणिक बोर्डाच्या परीक्षा सुरु होणार आहेत. त्यामुळे त्यापूर्वीच दिल्ली विधानसभेचा निवडणूक कार्यक्रम आटोपता घेतल्याचं कळतंय.
महत्वाच्या बातम्या-
-“कोरेगाव भीमा प्रकरणी देवेंद्र फडणवीसांची चौकशी करा”
-पडद्यावरच्या खलनायकानं ठेवला जनतेसमोर एक नवा आदर्श
-अशोक चव्हाणांच्या त्या वक्तव्याला नवाब मलिकांचं प्रत्युत्तर, म्हणतात…
-“खोलीत दोन हाणा पण बाहेर साहेब म्हणा”
-महाविकास आघाडीचा साहित्यिकांना दे धक्का; अशासकीय नियुक्त्या रद्द
