पुणे | मराठी सिनेसृष्टीतील सुप्रसिद्ध चरित्र अभिनेते जयराम कुलकर्णी यांचे वृद्धापकाळाने निधन झाले. ते 88 वर्षांचे होते. पुण्यात आज मंगळवारी पहाटे त्यांचं निधन झाले. दुपारी बारा वाजता त्यांच्यावर वैकुंठ स्मशानभूमीत अंत्यसंस्कार करण्यात येणार आहेत.
कुलकर्णी यांनी जवळपास 100 मराठी आणि हिंदी चित्रपटांमधे त्यांनी चरित्र भूमिका साकारल्या. ‘झपाटलेला, माहेरची साडी, नवरी मिळे नवरयाला, आमच्या सारखे आम्हीच’ अश्या चित्रपटांमधील त्यांच्या भूमिका संस्मरणीय ठरल्या.
काही दिवसांपूर्वीच जयराम यांनी भूमिका साकारलेला खेळ आयुष्याचा हा चित्रपट प्रदर्शित झाला होता. ‘चल रे लक्ष्या मुंबईला’, ‘खट्याळ सासू नाठाळ सून’, ‘खरं कधी बोलू नये’, ‘माझा पती करोडपती’, ‘अशी ही बनवाबनवी’, ‘रंगत संगत’, ‘थरथराट’, इत्यादी चित्रपटातील त्यांच्या भूमिकां अजरामर ठरल्या.
दरम्यान, सोलापूरमधील बार्शी तालुक्यातील आंबेजवळगे या गावी जयराम कुलकर्णी यांचा जन्म झाला होता. आकाशवाणीवरुन प्रसारित होणाऱ्या कार्यक्रमांमध्ये त्यांचा सहभाग होता.
महत्वाच्या बातम्या-
-मास्कवर शिवाजी महाराजांची प्रतिमा, मास्क न घेण्याचं शिवप्रेमींचं आवाहन
-कोरोनावर उपाय सुचवा आणि जिंका बक्षिस…; नरेंद्र मोदींचं जनतेला आवाहन
-तुला मला का भेटायचं होतं?; राज ठाकरेंच्या प्रश्नावर चिमुकलीने घेतली पप्पी पाहा व्हिडीओ
-कोणत्याही शहराला लॉकडाऊन करणार नाही पण… मुखमंत्र्यांचं जनतेला आवाहन
-तुळजाभवानी मातेच्या दर्शनासाठी भविकांना करावी लागणार 31 मार्चपर्यंत प्रतिक्षा
