भारत चीन सीमेवर टोकाचा संघर्ष, राऊतांचे पंतप्रधान मोदींना मुलभूत पण कळीचे प्रश्न

मुंबई | लडाखच्या गलवान खोऱ्यात चिनी सैन्यासोबत झालेल्या हिंसक झटापटीत भारताचे 20 जवान शहीद झाले आहेत. शिवसेना नेते आणि खासदार संजय राऊत यांनी याविषयीच काही मुलभूत पण कळीचे प्रश्न पंतप्रधान नरेंद्र मोदी यांना विचारले आहेत.

चीनच्या कारवाईला आपण चोख प्रत्युत्तर कधी देणार आहात? एकही एकही गोळी न चालवता चीनने आपले 20 जवान मारले आहेत. आपण नेमके काय केले? चीनचे किती जवान मारले गेले? असे प्रश्न राऊत यांनी मोदींना विचारले आहेत.

चीनने आपल्या भूमीत घुसखोरी केलीये का? पंतप्रधान मोदीजी, या संघर्षाच्या काळात देश तुमच्या पाठीशी आहे, मात्र खरं नेमकं आहे तरी काय?? देशाला सत्य जाणून घ्यायचंय तुम्ही काहीतरी बोला , अशी विनंती राऊत यांनी मोदींनी केली आहे,

तसंच पंतप्रधान मोदीजी आपण शूरवीर आणि योद्धे आहात. आपल्या नेतृत्वात भारत चीनचा बदला घेईन असा विश्वास व्यक्त करत तोपर्यंत काल आणि परवा भारत-चीन सीमेवर काय झाले ते सांगा, असं राऊत म्हणाले आहेत.