कोरोना बरा होण्यासाठी दररोज गाढविनीचं दूध प्या; या नेत्यानं तोडले अकलेचे तारे

पटना | कोरोना विषाणूने सर्व जगभरात हैदोस घातला आहे. या आजाराने मोठ-मोठ्या देशांची अर्थव्यवस्था कोलमडू लागली आहे. जगभरातील सर्व शास्त्रज्ञ कोरोनावरील लस शोधत आहे. अशातच दररोज गाढविनीचं 2 चमचे दुध पिल्याने कोरोना बरा होतो, असा जावई शोध बिहारच्या ‘जन अधिकार पार्टी’चे अध्यक्ष पप्पू यादव यांनी लावला आहे. तप्रधान नरेंद्र मोदींनी केलेल्या आवाहनावर पप्पू यादव यांनी टीकास्त्र सोडलं आहे.

कोरोनाचा रामबाण उपचार गाढविनीचं दुध प्या, 2 चमचे 2 दिवस 2 वेळा पैजेवर सांगतो हा उपाय केला तर गाढवाच्या डोक्यावरील शिंग गायब आहेत तसा कोरोना गायब होईल, अशा प्रकारचा कोरोनावरचा रामबाण उपाय असल्याचं यादव यांनी म्हटलं आहे.

तुम्ही 1 एप्रिल आणि 5 एप्रिलच्या भानगडीत का पडताय?, 23 मे 2014 पासून, प्रत्येक दिवस 1 एप्रिल आहे. तुम्हा सर्वांना ते मूर्खच समजतात!, असंही यादव म्हणाले.

नरेंद्र मोदी सत्तेत आल्यापासून लोकांना मूर्ख बनवत आहेत. तसेच जो पंतप्रधान अंगण, दालन, शेत-धान्याचे कोठाऱ्याबद्दल न बोलता घराच्या बाल्कनीबद्दल बोलतो समजून जा मोठा ठग आहे, अशी जहरी टीका यादव यांनी केली आहे.

करोना का रामबाण उपचार
गदही का दूध पिएं 2 चम्मच 2 दिन पर 2बार
शर्तिया करोना गधे के सिर से सिंग की तरह गायब हो जायेगा।#गदही_के_2चम्मच_दूध_से_करोना_छूमंतर
— Sewak Pappu Yadav (@pappuyadavjapl) April 4, 2020

1 अप्रैल और 5 अप्रैल के चक्कर में क्यों पड़े हो?
23 मई 2014 के बाद से आपका हर दिन 1 अप्रैल ही है। आप सबको वह मूर्ख ही मानते हैं समझे!
— Sewak Pappu Yadav (@pappuyadavjapl) April 4, 2020