मुंबई | पंतप्रधान नरेंद्र मोदी यांची तुलना छत्रपती शिवाजी महाराज यांच्याशी केली आहे. त्यावरुन राजकीय वर्तुळात वाद चांगलाच उफाळला आहे. भाजपकडून प्रकाशित करण्यात आलेल्या ‘आज के शिवाजी नरेंद्र मोदी’ या पुस्तकात मोदींना छ. शिवरायांसमान दर्जा देण्यात आला आहे. यावर आता आमदार बच्चू कडूंनीही मोदींवर तोफ डागली आहे.
पंतप्रधान मोदींनी सात जन्म घेतले तरी शिवाजी महाराजांच्या एका क्षणाचीही बरोबरी करता येणार नाही, असं म्हणत बच्चू कडूंनी मोदींना धारेवर धरलं आहे. बच्चू कडूंनी ट्वीट करत मोदींवर जोरदार टीका केली आहे.
भाजपकडून प्रकाशित करण्यात आलेल्या पुस्तकावर विरोधकांसह अनेक स्तरातून आक्षेप घेण्यात आला आहे. मोदींची तुलना शिवाजी महाराजांशी करण्यात आल्याने सर्वच स्तरांतून याचा निषेध केला जात आहे. सोशल मीडियावरही याचे तीव्र पडसाद उमटत असून शिवाजी महाराजांची तुलना कोणाशीही होऊ शकत नाही, अशा प्रतिक्रिया येत आहे.
दरम्यान, भाजपचे नेते जय भगवान गोयल यांनी ‘आज के शिवाजी नरेंद्र मोदी’ पुस्तक लिहिलं आहे. पुस्तकाचं प्रकाशन रविवारी दिल्लीत भाजप कार्यालयात करण्यात आलं. या पुस्काला सर्व स्तरातून विरोध केला जातोय.
पंतप्रधान मोदींनी सात जन्म घेतले तरी शिवाजी महाराजांच्या एका क्षणाचीही बरोबरी करता येणार नाही.
— BACCHU KADU (@RealBacchuKadu) January 13, 2020
महत्वाच्या बातम्या-
शरद पवारांना ‘जाणता राजा’ म्हटलेलं कसं काय चालतं?- सुधीर मुनगंटीवार – https://t.co/gF3YcCzkxq @SMungantiwar @PawarSpeaks @nawabmalikncp
— महाराष्ट्र केसरी (@MahaKesariNews) January 13, 2020
संजय राऊत आक्रमक; छत्रपती शिवरायांच्या वंशजांनी तात्काळ राजीनामे द्यावेत! – https://t.co/aHAia2IjE3 @Chh_Udayanraje @YuvrajSambhaji
— महाराष्ट्र केसरी (@MahaKesariNews) January 13, 2020
अतिउत्साही कार्यकर्त्यांमुळे हा प्रकार घडला असेल; शिवेंद्रराजेंकडून मोदींची पाठराखण – https://t.co/0xEkWy5pyX #shivendrarajebhosale @narendramodi
— महाराष्ट्र केसरी (@MahaKesariNews) January 13, 2020