गांधीनगर | शिक्षकांवर शाळेतील मुलांना घडवण्याची जबाबदारी असते. पुस्तकी ज्ञानाबरोबर विद्यार्थ्यांवर चांगले संस्कार करणे शिक्षकांचे कर्तव्य असते. मात्र या परंपरेला छेद देणारी घटना गुजरातमधील अहमदाबादमध्ये घडली आहे. शाळेतील वर्गशिक्षिकाच आठवीत शिकणाऱ्या मुलासोबत पळून गेल्याची धक्कादायक घटना घडली आहे.
पोलिसांनी दिलेल्या माहितीनुसार शिक्षिका आणि मुलामध्ये एक वर्षांपासून घनिष्ठ संबंध निर्माण झाले होते. त्याचच रुपांतर प्रेमात झालं. समाज आपल्याला स्वीकारणार नाही हे लक्षात येताच या दोघांनी पळून जाण्याचा निर्णय घेतला. टाईम्स ऑफ इंडियाने हे वृत्त दिलं आहे.
मुलाच्या वडिलांनी शिक्षिकेवर फुस लावून पळवून नेल्याचा आरोप करत गांधीनगर जिल्ह्यातील कालोल पोलीस ठाण्यात तक्रार दाखल केली आहे. शुक्रवार दुपार पासून शिक्षिका आणि मुलगा बेपत्ता आहेत.
दरम्यान, शिक्षिका आणि मुलगा या दोघांनी सोबत मोबाईल नेलेले नाहीत. त्यामुळे त्यांचा शोध लावण्यास वेळ लागत आहे. तसेच वर्गशिक्षिकाच किशोरवयीन मुलासोबत पळून गेल्याची ही दुर्मिळ घटना आहे, असं पोलिसांनी म्हटलं आहे.
महत्वाच्या बातम्या-
-“मंत्रालयातील गोड अळूच फदफद आवडतं की ठेचा, भाकरी…निर्णय तुमचा”
-शिवाजी महाराजांच्या चेहऱ्यावर मोदींचा तर तानाजींच्या चेहऱ्यावर शहांचा फोटो; पहा व्हिडीओ
–मुख्यमंत्री उद्धव ठाकरे आणि अजय देवगण मंगळवारी ‘तानाजी’ चित्रपट पाहण्यासाठी येणार एकत्र
-1 जून पासून देशात लागू होणार ‘एक देश एक रेशन कार्ड’
–‘तुकडे तुकडे गँग’ अस्तित्वात नाही; गृह मंत्रालयाची कबुली
