मुंबई | केंद्र सरकारनं पेट्रोल, डिझेलवरील उत्पादन शुल्कात 3 रुपयांनी वाढ केली आहे. यावरून विरोधकांनी मोदी सरकारवर टीकेची झोड उठवली आहे. मोदी सरकार म्हणजे सुटाबुटातलं…लुटारू सरकार, असंं म्हणत मंत्री बाळासाहेब थोरात यांनी भाजपवर टीका केली आहे. यासंदर्भात त्यांनी ट्विट करत त्यामध्ये #सुटाबुटातलं…लुटारू सरकार असा उल्लेख केला आहे.
आंतरराष्ट्रीय बाजारात कच्च्या तेलाच्या किंमती 30% नी कमी झाल्या असताना देशात किंमती कमी करून सामान्यांना त्याचा लाभ देण्याऐवजी मोदी सरकारने पेट्रोल, डिझेलवरील उत्पादन शुल्कात प्रति लि. 3 रू. वाढ करून सर्वसामान्यांचा खिसा कापण्याचा उद्योग सुरु केला असल्याची घणाघाती टीका थोरात यांनी केली आहे.
जगभरात कच्च्या तेलाच्या किंमती कमी होत असताना भारतात मात्र पेट्रोल व डिझेलच्या किंमती केंद्र सरकारने वाढविल्या.पेट्रोलचे दर स्थिर ठेवण्यात केंद्र सरकारला आलेले अपयश आणि गैरव्यवस्थापन यांचा हा परिणाम असल्याचं खासदार सुप्रिया सुळे यांनी म्हटलं आहे.
दरम्यान,पेट्रोल, डिझेलच्या दरात आंतरराष्ट्रीय बाजारात सातत्यानं घसरण सुरू असताना मोदी सरकारनं इंधनावरील उत्पादन शुल्क 3 रुपयांनी वाढवलं आहे. यामुळे सरकारला सामान्य जनतेचा रोष सहन करावा लागू शकतो.
आंतरराष्ट्रीय बाजारात कच्च्या तेलाच्या किंमती ३०% नी कमी झाल्या असताना देशात किंमती कमी करून सामान्यांना त्याचा लाभ देण्याऐवजी मोदी सरकारने पेट्रोल, डिझेलवरील उत्पादन शुल्कात प्रति लि. ३ रू. वाढ करून सर्वसामान्यांचा खिसा कापण्याचा उद्योग सुरु केला आहे.#सुटाबुटातले_लुटारू_सरकार https://t.co/mTGK07svew
— Balasaheb Thorat (@bb_thorat) March 14, 2020
महत्त्वाच्या बातम्या-
–स्वच्छतागृहात जाण्याच्या बहाण्याने कोरोनासंशयित झाले रुग्णालयातून फरार
–मुंबईचा डबेवाला करणार कोरोनासंदर्भात ग्राहकांची जनजागृती
-कोरोनाग्रस्ताने लोकांशी संपर्क केल्यास ही शिक्षा; पहा या सरकारचा अजब फतवा
-कोरोनाच्या संदर्भात अण्णा हजारेंनी पर्यटकाना केलं हे आवाहन…
-बिल गेट्सनी दिला मायक्रोसॉफ्ट संचालक मंडळाचा राजीनामा, आता करणार या क्षेत्रात काम…