मुंबई | कोरोनाशी लढणाऱ्या मुंबई पोलीस दलातील आणखी एका योद्ध्याचा मृत्यू झाला आहे. कुर्ला पोलीस ठाण्यात वाहूतक शाखेत कार्यरत असणाऱ्या शिवाजी सोनावणे यांचा मृत्यू झाला आहे.
मुंबई पोलिसांनी ट्विट करत शिवाजी सोनावणे यांच्या मृत्यूची माहिती दिली आहे. मुंबई पोलीस दलातील दोघांचा कोरोनामुळे मृत्यू झाला आहे. शिवाजी सोनावणे यांच्या निधनामुळे ही संख्या तीन झाली आहे.
शिवाजी सोनावणे यांना केईएम रुग्णालयात दाखल करुन घेण्यात आलं होतं. त्यांना कोरोनाची लागण झाली असल्याचं निष्पन्न झालं होतं. अखेर सोमवारी त्यांचं निधन झालं.
कोरोनामुळे राज्य पोलीस दलातील पहिला बळी शुक्रवारी रात्री गेला होता. मुंबईच्या वाकोला पोलीस ठाण्यात नेमणुकीस असलेले 57 वर्षीय हवालदार नायर रुग्णालयात उपचारांदरम्यान मृत्यू पावले होते. त्यानंतर रविवारी आणखी एका हवालदाराचा कोरोनामुळे मृत्यू झाला आहे.
कुर्ला वाहतूक विभागाचे पोलीस हवालदार शिवाजी नारायण सोनावणे (५६) यांचे कोरोनाव्हायरसशी झुंज देत असताना दुःखद निधन झाले आहे, हे कळवण्यास मुंबई पोलिसांना अत्यंत दुःख होत आहे.
त्यांच्या आत्म्यास शांती लाभो. आमची सद्भभावना त्यांच्या कुटुंबियांसोबत कायम राहील.
— Mumbai Police (@MumbaiPolice) April 27, 2020
महत्वाच्या बातम्या-
-पंतप्रधानांसोबत झालेल्या चर्चेनंतर लाॅकडाऊन वाढवण्याविषयी अनिल देशमुख म्हणतात…
-“लॉकडाउनचा कालावधी वाढला तर लाखो भारतीय गरीबीच्या चक्रात फसतील”
-लॉकडाउन कुठे कडक आणि कुठे शिथिल करणार?; पंतप्रधानांनी केलं स्पष्ट
-किशोरीताई, तुम्ही खरा आदर्श निर्माण केला आहे- धनंजय मुंडे
-पत्ते खेळणं पडलं महागात; 40 जणांना झाली कोरोनाची बाधा!