नवी दिल्ली | राष्ट्रीय जनता दलाचे प्रमुख आणि बिहारचे माजी मुख्यमंत्री लालू प्रसाद यादव यांची प्रकृती खालावल्याने त्यांना दिल्ली एम्समध्ये दाखल करण्यात आलं आहे. किडनीचा संसर्ग झपाट्याने वाढल्याने त्यांना एम्समध्ये दाखल करावं लागलं आहे.
एम्सच्या डॉक्टरांनी त्यांना रांची येथील रिम्समध्ये परत जाण्याचा सल्ला दिला होता, मात्र दिल्ली विमानतळावर पोहोचताच त्यांची प्रकृती पुन्हा बिघडली.
लालू प्रसाद यादव यांचा आरोग्य अहवाल घाईघाईने एम्सच्या इमर्जन्सी वॉर्डमध्ये आणण्यात आला आणि तेथून त्यांना पुन्हा नेफ्रोलॉजी विभागात हलवण्यात आलं.
किडनीचा संसर्ग झपाट्याने पसरत असल्याने डॉक्टर त्याच्या आरोग्यावर चोवीस तास लक्ष ठेवून आहेत. यापूर्वी लालू प्रसाद यादव यांची किडनी 12 ते 15 टक्केच काम करत असल्याचे सांगण्यात आलं होतं. त्यानंतर त्यांना दिल्ली एम्समध्ये दाखल करण्याचा निर्णय घेण्यात आला.
लालू यादव यांना बुधवारी सकाळी दिल्लीतील एम्समधून डिस्चार्ज मिळाल्यानंतर पुन्हा दाखल करण्यात आले.
किडनीचा संसर्ग झपाट्याने वाढल्याने आरजेडी प्रमुखांना आपत्कालीन स्थितीतून नेफ्रोलॉजीच्या सी-6 वॉर्डमध्ये हलवण्यात आलं आहे.
लालू प्रसाद यादव यांच्यावर एम्स नेफ्रोलॉजीचे डॉक्टर भौमिक यांच्या देखरेखीखाली उपचार सुरू आहेत. लालू यादव यांच्या प्रकृतीबाबत त्यांचे धाकटे पुत्र आणि बिहारचे विरोधी पक्षनेते तेजस्वी यादव यांनी सांगितलं की, त्यांच्या किडनी आणि हृदयात समस्या आहे.
महत्त्वाच्या बातम्या-
‘गरज सरो, वैद्य मरो’; संजय राऊत मोदी सरकारवर बरसले
“पंडित नेहरुंच्या त्या चुकीचे परिणाम आजही देश भोगतोय”
बंडा तात्यांकडून महात्मा गांधींचा म्हातारा म्हणून उल्लेख, म्हणाले…
मोठी बातमी! किरीट सोमय्यांच्या ट्विटने महाराष्ट्राच्या राजकारणात खळबळ
“प्रदेशाध्यक्षपदाची संधी मिळाली तर सोनं करुन दाखवेन”
