Amit Shaha And Sharad Pawar

“अमित शहासाहेब… तुम्ही ज्या स्टेडियममध्ये भाषण देत होता तेसुद्धा पवारसाहेबांनी बांधलंय”

by

मुंबई | भाजपचे राष्ट्रीय अध्यक्ष अमित शहा मुख्यमंत्र्यांच्या दुसऱ्या टप्प्यातील महाजनादेश यात्रेच्या सोलापुरातील सांगता सभेला प्रमुख पाहुणे म्हणून उपस्थित होते. यावेळी केलेल्या भाषणात अमित शहा यांनी शरद पवार यांच्यावर सडकून टीका केली. यावरच राष्ट्रवादी चांगलीच आक्रमक झाली आहे. अमित शहासाहेब… तुम्ही ज्या स्टेडियममध्ये भाषण देत होता तेसुद्धा पवारसाहेबांनी बांधलंय, असं प्रत्युत्तर राष्ट्रवादीचे आमदार जितेंद्र आव्हाड यांनी दिलं आहे.

अमित शहा यांनी काल सोलापुरात शरद पवारांनी राज्यात आणि केंद्रात सत्ता असताना महाराष्ट्रासाठी काय केलं? याचा हिशेब द्यावा, असं म्हटलं होतं. यावरच आव्हाडांनी ट्वीट करत अमित शहांनी प्रत्युत्तर दिलं आहे.

महाराष्ट्राचा अभ्यास करा मग तुम्हाला समजेल पवार साहेबांनी महाराष्ट्रासाठी काय काय केलंय, असा टोलाही त्यांनी लगावला.

दरम्यान, कलम 370 हा महाराष्ट्राच्या निवडणुकीचा प्रचाराचा मुद्दा कसा होऊ शकतो. मंदीवर कुणी काही बोलणार आहे की नाही? असे सवाल आव्हाडांनी उपस्थित केले आहेत.

महत्वाच्या बातम्या-