लोकमान्यता असलेले जगातील पहिल्या क्रमांकाचे नेते ठरले पंतप्रधान नरेंद्र मोदी!

मुंबई | पंतप्रधान नरेंद्र मोदी लोकांची मान्यता असलेल्या नेत्यांमध्ये जगात पहिल्या क्रमांकाचे नेते ठरले आहेत. मॉर्निंग कन्सल्ट या कंपनीनं यासंदर्भात सर्व्हे केला होता.

केंद्रीय मंत्री आणि भाजप नेते नारायण राणे यांनी ट्विट करत ही माहिती दिली आहे. खरंच हा अभिमानाचा क्षण आहे, असंही नारायण राणे म्हणालेत.

पंतप्रधान नरेंद्र मोदी यांना जगभरातील लोकमान्यता असलेल्या नेत्यांमध्ये तब्बल 77% रेटिंग मिळालं आहे. यामुळे ते पुन्हा एकदा ते सध्याच्या काळातील जगातील सर्वात मोठे नेते ठरलेत, असं नारायण राणे म्हणालेत.

हे रेटिंग जून 2021 मधील 66% टक्क्यांवरून नोव्हेंबर 2021 मध्ये 70 टक्क्यांवर गेलं आणि त्यानंतर आता 77% वर आहे, असंही त्यांनी सांगितलं आहे.

गेल्या वर्षीही पंतप्रधान नरेंद्र मोदी यांनी मान्यता रेटिंगमध्ये अमेरिकेचे राष्ट्राध्यक्ष जो बायडेन आणि ब्रिटनचे पंतप्रधान बोरिस जॉन्सन यांच्यासह जगातील 13 राष्ट्रप्रमुखांना मागे टाकले होते.

सर्वेक्षणात पीएम मोदींचे अप्रूव्हल रेटिंग 71% होते. अमेरिकन डेटा इंटेलिजेंस फर्म द मॉर्निंग कन्सल्ट प्रत्येक देशातील प्रौढांचे सर्वेक्षण करून ही क्रमवारी तयार करते.

A proud moment indeed!
Massive 77% Approval Rating of PM Shri @narendramodi ji, makes him one of the tallest global statesmen of our times.
The rating have steadily and phenomenally risen from 66% in June 2021 to 70% in November 2021 to 77% today.#MorningConsult pic.twitter.com/FNwWbKHNnY
— Narayan Rane (@MeNarayanRane) March 19, 2022