पुणे | लॉकडाऊनच्या पाचव्या टप्प्यात पुणे शहरात सवलती जाहीर करण्यात आल्या आहेत. पाचव्या टप्प्यात पुण्यातील उद्याने, कॅब, व्यापारी क्षेत्र, खासगी कार्यालयं, मंडई, बाजारपेठा तीन टप्प्यात सुरू करण्याचे नियोजन करण्यात आले आहे.
नवीन आदेशात 65 ऐवजी 66 प्रतिबंधित क्षेत्रं आहेत. मात्र अनेक वस्त्या कोरोनामुक्त झाल्या आहेत. आजपासून पुण्यात उद्याने पहाटे 5 ते सायंकाळी 7 वाजेपर्यंत सुरू राहणार आहेत. महापालिका नवीन आदेशानुसार प्रतिबंधित क्षेत्र वगळता इतर सर्व दुकाने सुरू होणार आहेत.
पुण्यात 8 जूनपासून 10 टक्के मनुष्यबळासह खासगी कार्यालये उघडता येणार आहेत. प्रतिबंधित क्षेत्रात अत्यावश्यक सेवा देणारी दुकाने सकाळी 9 ते दुपारी 2 यावेळेत सुरू करण्याची परवानगी आहे.
पुण्यात हॉटेल, मॉल, सिनेमागृह, मंदिरे आदी. बंदच राहणार आहेत. तर इतर सर्व दुकानं 9 ते 5 वेळेत सुरु ठेवता येणार आहेत. तुळशीबाग, हॉंगकॉंग, मंडई लेन पी 1, पी 2 नुसार 5 जूनपासून सुरू होणार आहे. पुण्यातील बांधकाम व्यवसायही सुरु होणार आहे तर सलून आणि ब्युटी पार्लर बंद राहणार आहेत.
महत्वाच्या बातम्या-
-निसर्ग परीक्षा घेतोय पण आपण ताकदीने सामना करु- उद्धव ठाकरे
-निसर्ग चक्रीवादळ धडकण्यापूर्वी पावसाचा तडाखा, पाहा कुठे कुठे आहे पावसाचा जोर?
-राज्यपालांनी सरकारचा ‘तो’ आदेश फिरवला, आता नवा वाद सुरु
-‘डॉ. श्रीकांत जिचकर लिडर्स फेलोशीप’ कार्यक्रमाची महाराष्ट्र प्रदेश युवक काँग्रेसकडून घोषणा
-पुण्यात आज 169 रूग्णांना डिस्चार्ज, पाहा किती रूग्ण वाढले…
