बीड | जानेवारी महिन्यात बीड जिल्ह्यातील वडवणी, आष्टी, पाटोदा, शिरूर, केज येथील नगरपंचायतीच्या निवडणूका होणार आहेत. राज्यात महाविकास आघाडीचे सरकार असल्याने भाजपने येथे चांगलीच रणनीती आखली आहे. तसेच महाविकास आघाडीचे राष्ट्रवादीचे मंत्री धनंजय मुंडे यांनीही धडाकेबाज प्रचार सुरु केला आहे. या निवडणुकीआधी बीडमधील राजकारण चांगलंच तापल्याचं पहायला मिळतंय.
पंकजा मुंडे यांनी वडवणी येथील प्रचारसभेत प्रचार सभेत पंकजा मुंडे यांनी धनंजय मुंडे यांची खिल्ली उडवली होती. उत्कृष्ट मंत्र्यांच्या यादीत धनंजय मुंडे 32 व्या क्रमांकावर आल्याने पंकजा मुंडे म्हणाल्या, तुमच्या ताई पहिल्या चार मंत्र्यांमध्येच होत्या. 32 व्या नंबरवर कधीही गेल्या नाहीत.
धनंजय मुंडे यांनी प्रचारसभेत पंकजा मुंडे यांनी केलेल्या टीकेला प्रत्युत्तर दिलं आहे. 2019 च्या निवडणुकीत जनतेनं तुम्हाला तुमची औकात दाखवून दिलीये, असा घणाघात धनंजय मुंडे यांनी केला आहे.
32 व्या क्रमांकाचे मंत्री या पंकजा मुंडेंच्या टीकेला उत्तर देताना धनंजय मुंडे म्हणाले, ‘ज्या डॉ. बाबासाहेब आंबेडकर यांनी वंचितांच्या विकासासाठी स्वतः सामाजिक न्याय व विशेष सहाय्य खातं सुरु केलं, त्यांच्यावर तुम्ही टीका करताय. तुम्ही परम पूजनीय डॉक्टर बाबासाहेब बाबासाहेबांचा याद्वारे अपमान केलाय’, अशी टीका धनंजय मुंडे यांनी केलीये.
राष्ट्रवादीच्या नेत्यांनी नगरपंचायत निवडणुकीत पाच ठिकाणी निवडून दिलं तर 100 कोटी रुपयांचा निधी देऊ, असं आश्वासन दिलंय. यावर पंकजा मुंडे म्हणाल्या होत्या की, पाच ठिकाणची आश्वासनं मिळून 500 कोटी रुपये निधी होतो. 500 कोटी रुपये आणण्याची यांची ताकद तरी आहे का? या वर धनंजय मुंडे यांनी उत्तर दिलं.
2019 मध्ये तुम्ही महिला व बालविकास मंत्री होत्या, ग्रामविकास मंत्री होत्या, महाराष्ट्राच्या नेत्या होतात, तेव्हा विधानसभा निवडणुकीत परळीतील जनतेनी तुम्हाला तुमची औकात दाखवली आहे. माझी 500 कोटी रुपये आणण्याची औकात आहे, नगदी हिशेब देऊ का?, असा सवालही धनंजय मुंडे यांनी केला आहे.
दरम्यान, नगरपंचायत निवडणुकीच्या पार्श्वभूमीवर राष्ट्रवादीचे धनंजय मुंडे आणि भाजप नेत्या पंकजा मुंडे या दोघांमध्ये चांगलेच वाक् युद्ध रंगल्याचं पहायला मिळत आहे.
महत्त्वाच्या बातम्या-
“राणे ज्या पक्षात जातात त्यांची सत्ता जाते, तरी फडणवीसांना सांगितलं होतं यांना पक्षात घेऊ नका”
कोरोनामुळे शरीरावर होतायेत गंभीर परिणाम; धक्कादायक माहिती समोर
“नितेश राणेंनी उद्धव ठाकरेंवर टीका करू नये, तेवढी त्यांची उंची नाही”
“लग्नाला उशीर केल्यास मुली पॉर्न पाहत बसतील, त्यामुळे वयात आल्यावर त्याचं लग्न लावा”
“उद्धव ठाकरे हा व्यक्ती आयुष्यात कोणाचाच झालेला नाही”
