फडणवीसांच्या अडचणींत वाढ; नवाब मलिकांच्या मुलीच्या गौप्यस्फोटानं खळबळ

मुंबई | राज्यात सध्या सत्ताधारी आणि विरोधी पक्षांमध्ये चांगलाच कलगितुरा रंगल्याचं पहायला मिळत आहे.

राज्याचं राजकीय वातावरण पेटलेलं असताना देवेंद्र फडणवीसांच्या पेन ड्राइव्ह बॉम्बनं खळबळ माजवली आहे.

देवेंद्र फडणवीसांच्या या बाॅम्बनं खळबळ माजवली. दाऊदची माणसं वक्फ बोर्डात नियुक्त करण्यात आली आहेत. या दोघांमधील संवाद समोर आला आहे, असा दावा फडणवीसांनी केला.

आता राज्याचे अल्पसंख्यांक मंत्री नवाब मलिक यांची मुलगी सना मलिक शेख यांनी ट्विट करत एक गौप्यस्फोट केला आहे.

फडणवीस यांनी दाऊद गँगचा संबंध असल्याचा केलेला आरोप मुदाससीर यांची नियुक्ती फडणवीस सरकारच्या काळात झाली होती, असं त्यांनी ट्विट केलं आहे. वक्फ बोर्डावर नियुक्ती ही 2019 नोव्हेंबरमध्ये झाली होती, अशा आशयाचं ट्विट सना मलिक यांनी केलं आहे.

ट्विटसोबत त्यांनी फोटोही शेअर केला आहे. त्यामुळे पुन्हा एकदा राजकीय वर्तुळात खळबळ उडाल्याचं पहायला मिळालं.

दरम्यान, फडणवीसांनी सादर केलेल्या पेन ड्राईव्ह बाॅम्बची चौकशी व्हावी, अशी मागणी केली जात आहे. असं असतानाचा आता सना मलिक यांनी हा गौप्यस्फोट केला आहे.

सना मलिक यांच्या खुलास्यानं या प्रकरणाला नवं वळण मिळणार आहे. त्यामुळे आता पुढे याप्रकरणी काय होणार हे पाहणं महत्त्वाचं ठरणार आहे.

Half Truth is Full Lie!!
Dr. Lambe was appointed a Waqf Board member by Fadnavis/BJP govt on 13 Sept 2019.
MahavikasAghadi govt was established in November 2019. My father got Minority/Waqf Dept in the first week of Jan 2020.@Dev_Fadnavis with D-Gang Relative & a Rape Accused. pic.twitter.com/gMtApDZ5oc
— Ar. Sana Malik-Shaikh (@sanamalikshaikh) March 14, 2022