नवी दिल्ली | कोरोना व्हायरसमुळे जगभरात भीतीचे वातावरण असून यात 3 हजार पेक्षा अधिक लोकांचा मृत्यू झाला आहे. कोरोनापासून वाचण्यासाठी विविध पातळ्यांवर उपाय केले जात आहेत. या पार्श्वभूमीवर इस्राईलचे पंतप्रधान बेंजामिन नेतन्याहू यांनी कोरोना व्हायरसपासून बचावासाठी एक सल्ला दिला आहे.
एखाद्या व्यक्तीला भेटताना हात मिळवण्यापेक्षा भारतीय पद्धतीने नमस्कार करावा, असा सल्ला नेतन्याहू यांनी इस्राईली नागरिकांना दिला आहे. नेतन्याहू यांनी यासंदर्भात पत्रकार परिषद घेतली होती. यावेळी त्यांनी कोरोनापासून वाचण्यासाठी छोटे छोटे उपाय सांगितले आहेत.
इस्राईलच्या भारतीय दूतावासाने नेतन्याहू यांचा एक फोटो ट्विटरवर शेअर केला आहे. यातून नेतन्याहू यांनी इस्राईली नागरिकांना संबोधित करताना नमस्कार करण्याच्या भारतीय पद्धतीचा उल्लेख केल्याचं सांगण्यात आलं आहे.
दरम्यान, कोरोना व्हायरसपासून वाचण्यासाठी जगभरात पाऊलं उचलले जात आहेत. अनेक देशांच्या सीमा बंद करण्यात आल्या आहेत. भारतातही यासाठी खबरदारी घेण्यात येत असून आतापर्यंत 29 कोरोना बाधित देशात आढळल्याची माहिती आहे.
Prime Minister of Israel Benjamin Netanyahu @netanyahu encourages Israelis to adopt the Indian way of greeting #Namaste at a press conference to mitigate the spread of #coronavirus pic.twitter.com/gtSKzBDjl4
— India in Israel (@indemtel) March 4, 2020
महत्वाच्या बातम्या-
-मुंगेरीलाल के सपने कभी पुरे नही होंगे; जयंत पाटलांचा मुनगंटीवारांना टोला
-उद्धव ठाकरेंनी अयोध्येला न येता मक्केला जावं; अयोध्येतील साधूंची टीका
-इटलीहून परतलेल्या राहूल गांधींनी कोरोना चाचणी केली का?; भाजप नेत्याचा सवाल
-“ठाकरे सरकारमध्ये मुख्यमंत्र्यांना विचारल्याशिवायच राष्ट्रवादी निर्णय घेते?”
-केवळ मला कळावा म्हणून ‘अर्थसंकल्प सोप्या भाषेत’ हे पुस्तक देवेंद्रजींनी लिहिलंय- उद्धव ठाकरे