Sachin sawant INC

शरद पवारांच्या समर्थनार्थ काँग्रेस मैदानात; सचिन सावंत म्हणतात…

by

मुंबई | राष्ट्रवादीचे अध्यक्ष शरद पवार यांच्यावर शिखर बँक प्रकरणी आरोप ठेवण्यात आल्याने त्यांना समर्थन देण्यासाठी नेते पुढे येत आहेत. काँग्रेस नेते सचिन सावंत यांनीदेखील रस्त्यावर उतरत शरद पवारांना आपला पाठींबा दिला आहे.

मोदी-शहा यांना विनाशकाली विपरीत बुद्धी आलेली आहे. भाजपाच्या विनाशकालाची सुरुवात झाली आहे, असं ट्वीट करत सचिन सावंत यांनी आपण शरद पवारांना आपला पाठींबा असल्याचं सांगितलं.

लोकशाही समोर आलेल्या अभूतपूर्व अशा संकटसमयी मोदी शहा यांच्या हुकुमशाही विरोधात शरद पवार आणि राष्ट्रवादीच्या पाठीशी काँग्रेसचं तमाम नेतृत्व ठामपणे उभं आहे. आज मी स्वतः राष्ट्रवादी काँग्रेस कार्यालयाबाहेर आंदोलनात सहभागी झालो, असंही सावंत यांनी सांगितलं आहे.

राहुल गांधींनी पवारांना फोन करत आपण पाठीशी असल्याचं सांगितलं. तसंच शिवसेना आणि शिवसेनेचे नेते संजय राऊत यांनीही आपला पाठींबा पवारांना असल्याचं सांगितलं.

दरम्यान, शरद पवारांनी राहुल गांधी आणि संजय राऊतांसोबत शिवसेनेचे आभार मानले आहेत. 

महत्वाच्या बातम्या-