Lok Sabha Election 2024 l आगामी आयपीएल 2024 हंगामापूर्वी माजी क्रिकेटपटू गौतम गंभीरने (Gautam Gambhir) राजकारणातून निवृत्ती जाहीर केली आहे. अशातच आता गौतम गंभीरने स्वतः लोकसभा निवडणूक न लढवण्याचा निर्णय घेतला आहे. त्यामुळे गौतम गंभीर तिकीटाच्या शर्यतीतून बाहेर पडला आहे. गंभीरने ट्विट करून यासंदर्भात माहिती दिली आहे. (Lok Sabha Election 2024)

आगामी आयपीएल 2024 हंगामापूर्वी गौतम गंभीरने (Gautam Gambhir) भाजपचे प्रमुख जगत प्रकाश नड्डा यांना त्यांच्या राजकीय कर्तव्यातून मुक्त होण्याचे आवाहन केले आहे. कारण सध्या कोलकाता नाईट रायडर्सचा मार्गदर्शक म्हणून गंभीरचा कार्यकाळ सुरू होत आहे.

Lok Sabha Election 2024 l गौतम गंभीरने ट्विट करून दिली माहिती :

गौतम गंभीरने ट्विट केले की, ‘मी पक्षाचे अध्यक्ष जेपी नड्डा जी यांना माझ्या राजकीय कर्तव्यातून मुक्त करण्याची विनंती केली आहे. जेणेकरून मी माझ्या आगामी क्रिकेट वचनबद्धतेवर लक्ष केंद्रित करू शकेन. मला जनतेची सेवा करण्याची संधी दिल्याबद्दल मी माननीय पंतप्रधान आणि माननीय गृहमंत्री अमित शाह यांचे मनापासून आभार मानतो.

Gautam Gambhir l गंभीरच्या निर्णयाने सर्वांना आश्चर्याचा धक्का :

2024 च्या लोकसभा निवडणुकीपूर्वी आलेल्या या बातमीने सर्वांनाच आश्चर्याचा धक्का दिला आहे. मात्र आता प्रश्न उपस्थित होत आहे की, गौतम गंभीरची जागा कोण घेणार? भाजपच्या केंद्रीय निवडणूक समितीची (CEC) बैठक दिल्लीतील पक्षाच्या मुख्यालयात पार पडली. यामुळे पक्ष लवकरच आपल्या उमेदवारांची यादी जाहीर करेल. (Lok Sabha Election 2024)

राजकीय जाणकारांच्या मते, पूर्व दिल्लीच्या जागेवर गंभीरची जागा कोण घेणार हे सांगणे अद्याप कठीण आहे. एप्रिल-मेमध्ये होणाऱ्या लोकसभा निवडणुकीत दिल्लीतील सात जागांवर भाजप, आप आणि काँग्रेस यांच्या उमेदवारांमध्ये थेट लढत होणार आहे.

गौतम गंभीर केकेआरचा मेंटर :

गौतम गंभीरने (Gautam Gambhir) मार्च 2019 मध्ये भाजपमध्ये प्रवेश केला आणि तेव्हापासून तो दिल्लीतील पक्षाचा एक प्रमुख चेहरा आहे. 2019 च्या लोकसभा निवडणुकीत त्यांनी पूर्व दिल्लीतून निवडणूक लढवली आणि आम आदमी पार्टीचा पराभव केला. त्यांनी 6,95,109 मतांनी विजय मिळवला होता. माजी क्रिकेटपटू गौतम गंभीरने 2007 आणि 2011 मध्ये भारताच्या विश्वचषक विजयात महत्त्वाची भूमिका बजावली आहे. देशातील प्रमुख क्रीडा स्पर्धा, इंडियन प्रीमियर लीगमधील ते एक मोठे नाव आहे.

News Title : Gautam Gambhir Exit To Politics

महत्त्वाच्या बातम्या-

तुमच्या वाहनालाही VIP क्रमांक हवायं? तर या 7 स्टेप्स करा अन् VIP क्रमांक मिळवा

नीता-मुकेश अंबानींचा व्हिडीओ होतोय तुफान व्हायरल; एकदा पाहाचं

तुमचं आधारकार्ड अपडेट करायचंय? तर खाली दिलेली प्रोसेस करून घरबसल्या अपडेट करू शकता

आजचे राशिभविष्य! या राशीच्या व्यक्तींना आर्थिक लाभ होईल

सरकारी नोकरीची सुवर्णसंधी! या विभागात भरती प्रक्रिया सुरु; ‘या’ तारखेपूर्वी करा अर्ज